PROVERBIOS 29:11 - Dios Rimashcata Quillcashcami

¹¹ Mana entendic runa piñarishpaca pai ima munashcatami ruhuanlla. Ashtahuanpish yachaisapa runaca jarcarinmi.

PROVERBIOS 29:11 ပူးပေါင်းရင်းမြစ်များ

PROVERBIOS 12:16

Yuyai illac runaca piñarishcataca utcami ricuchin. Ashtahuanpish alli yuyaiyuc runaca piñarishpapish shungupi chingachinllami.

PROVERBIOS 12:23

Alli yuyaiyuc runaca pai yachacushcataca shungupimi huacaichin. Ashtahuanpish yuyai illac runaca yuyai illac cashcatami ricuchin.

PROVERBIOS 14:33

Allita entendic runapac shungupimi alli yachaica tiyan. Ashtahuanpish mana entendiccunapac chaupipica mana ricsishcachu can.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

AMÓS 5:13

Chai punzhacuna mana alli cashcamanta alli yuyaiyuc runaca upallami.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

JUECES 16:17

Chaimantami Sansonca ima shina yalli fuerzata charishcata huillashpaca: —Ñucaca, mamapac huicsamanta pachami Diospaclla chicanyachishca nazareo cani. Chaimanta ñuca acchataca jaicapi navajahuan mana pitircanichu. Ñuca uma acchata pitichishpaca irquiyashpa fuerzata chingachishpami shuctac runacuna shina casha— nirca.