PROVERBIOS 28:5 - Dios Rimashcata Quillcashcami

⁵ Millai runacunaca allita ruhuanataca mana entendincunachu. Ashtahuanpish Mandac Diosta mashcaccunaca tucuitami entendin.

PROVERBIOS 28:5 ပူးပေါင်းရင်းမြစ်များ

SALMOS 119:100

Can mandashcacunata cazushcamantami yuyaccunatapish atishpa entendini.

SALMOS 119:98

Can mandashcacunahuanmi ñucata piñaccunamanta yalli, ashtahuan yachacta ruhuashcangui. Can mandashcacunaca tucui causaipimi ñucapac can.

SALMOS 25:14

Mandac Diosca paita manchaccunahuanca allimi apanacun. Shinallatac paihuan ari nishcatapish yachachinmi.

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

PROVERBIOS 15:24

Alli yuyaita charicmanca causaiman apac ñanca jahuamanmi. Seolman apac ñanmantaca chashnami anchuringa.

PROVERBIOS 2:9

Shina cuidacpimi, cashcata ruhuanatapish, allita ruhuanatapish, imata pacta pacta ruhuanatapish, tucuipi alli causanatapish entendingui.

PROVERBIOS 24:7

Yuyai illac runamanca allita yachaica mana entendipacmi. Tandanacushca gentecunapica, mana rimai pudinchu.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

ISAÍAS 44:18

Chai runacunaca mana yachanchu, mana entendinchu. Mana ricunchu, ñahuica huichcashcami. Shungupish tutayashca cashpami imata mana entendin.

ISAÍAS 6:9

Shina nicpimi paica: —Canca gentecunataca: “Allita uyashpapish, mana yuyaita japinguichicchu. Allita ricushpapish mana entendinguichicchu” ningui.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

SAN JUAN 7:17

Maijanpish Dios munashcata ruhuanata munaccunami, ñuca yachachishcaca ñuca munaimanta cashcata, mana cashpaca Diosmanta cashcata yachac chayancuna.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.