PROVERBIOS 28:28 - Dios Rimashcata Quillcashcami

²⁸ Diosta mana manchaccuna mandangapac ricpica, gentecunaca miticungami. Ashtahuanpish paicuna chingaricpica, cashcata ruhuaccunami alli nishca cancuna.

PROVERBIOS 28:28 ပူးပေါင်းရင်းမြစ်များ

2 CRÓNICAS 22:12

Judá llactata Atalía mandacucpica, Joasca Mandac Diospac huasipimi sucta huatacaman paicunahuan miticushpa causarca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

JOB 24:4

Imatapish mana chariccunataca ñanmantami callpachincuna. Cai pachapi causac huacchacunaca paicunata manchashpami miticuncuna.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

PROVERBIOS 28:27

Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.