PROVERBIOS 28:15 - Dios Rimashcata Quillcashcami

¹⁵ Huaccha gentecunata Diosta mana manchac mandacca león huacacuc shina, yarcaihuan cac oso shinami can.

PROVERBIOS 28:15 ပူးပေါင်းရင်းမြစ်များ

2 REYES 15:16

Manahemca Tifsa pueblopi causac tucui gentecunata huañuchishpami, chaipi ima tiyashcacunatapish aparca. Chai pueblo punguta mana pascashcamantami, Tirsa pueblomanta callarishpaca, Tifsa pueblo muyundipi tiyac pueblocunatapish quichushpa chaipi causac tucui huicsayuc huarmicunatapish huicsata pascashpa huañuchirca.

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

2 REYES 21:16

Judá gentecunata juchata ruhuachishca jahuami Manasesca mana faltayuc gentecunata huañuchishpa, Jerusalenpica caishuc ladomanta chaishuc ladocaman yahuarta yallita jicharca.

ÉXODO 1:13

ashtahuan sinchita trabajachishpa llaquichirca.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

PROVERBIOS 17:12

Millaita ruhuac yuyai illac runahuan tupanapac randica, huahuacuna illac piña huarmi osohuan tupanami ashtahuan alli.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

ISAÍAS 14:5

Mandac Diosmi paita mana manchaccunapac varatapish, mandaccunapac taunatapish paquishca.

ISAÍAS 14:6

Paicunaca yallita piñarishpami, chugrichishpa llaquichic carca. Llactacunapi causaccunatapish yallita piñashpami sinchita mandacurca. Ashallatapish mana llaquishpami, catipi llaquichic carca.

OSEAS 13:8

Huahuacunata chingachishpa puricuc mama oso shinami, tupangapac llucchishpa shunguta polvosha. León sacha animalcuna micuc shinami, ñutuchishpa tucuchisha.

OSEAS 5:11

Efraín ailluca shungupi nanarishpa yallita llaquirishcami. Paicunaca yanga dioscunallatami catina yuyarca.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.