PROVERBIOS 28:12 - Dios Rimashcata Quillcashcami

¹² Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

PROVERBIOS 28:12 ပူးပေါင်းရင်းမြစ်များ

1 REYES 18:13

Mandac Diosmanta huillaccunata Jezabel huañuchicucpi, ñuca imata ruhuashcataca ¿Manachu ñucata mandac canman huillarca? Mandac Diosmanta huillaccunataca pichca chungataca shuc jatun jutcupi, caishuc pichca chungataca shuctac jatun jutcupimi pacarcani. Shina pacashpaca, tandata, yacutapish cararcanimi.

1 REYES 19:3

Chashna huillacpimi, Eliasca mancharishpa ama huañuchichun nishpa, Judá llacta Beerseba puebloman rirca. Chai pueblopimi paita servictaca saquirca.

2 CRÓNICAS 7:10

Canchis quilla ishcai chunga quimsa punzhapimi jatun mandacca tucui gentecunata paicunapac huasicunaman cacharca. Mandac Diosca Davidmanpish, Salomonmanpish, Diosllatac acllashca israelcunamanpish allicunata ruhuashcamantami tucui shunguhuan cushicushpa rircacuna.

PROVERBIOS 11:10

Pueblopi causaccunaca cashcata ruhuaccuna alli causacpimi cushicuncuna. Ashtahuanpish Diosta mana manchaccuna huañucpica, cushicushpami caparicuncuna.

PROVERBIOS 28:28

Diosta mana manchaccuna mandangapac ricpica, gentecunaca miticungami. Ashtahuanpish paicuna chingaricpica, cashcata ruhuaccunami alli nishca cancuna.

PROVERBIOS 29:2

Cashcata ruhuaccuna miracpica, tucuimi cushicuncuna. Ashtahuanpish Diosta mana manchaccuna mandacpica, gentecunaca llaquirishpami huacancuna.

ECLESIASTÉS 10:16

Huambrarac jatun mandac mandacuc llactalla, ¡aij imachari tucungui! Chaipi mandaccuna tutamanta pacha, jatun micui ruhuashpa, fiestata ruhuaccunalla, ¡aij imachari tucunga!

JEREMÍAS 36:19

Shina nicpimi, mandaccunaca Baructaca: —Cancuna maipi cashcata pi ama yachachun, canpish, Jeremiaspish miticugrichic— nirca.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.

JEREMÍAS 5:1

Mandac Diosca: «Cunanca, Jerusalén ñancunapi purishpa alli ricuichic. ¿Cashcata ruhuac, allita mashcac runaca tiyanchu? Plazacunapi mashcaichic. Shuc runallapish allita ruhuac tiyacpica, Jerusalentaca quishpichishami.

1 SAMUEL 24:11

¡Riqui, ñuca taitalla! Cambac jahualla churanata ashata pitishcataca ñuca maquipimi charicuni. Shina pitishpapish cantaca mana huañuchircanichu. Cunanca ñuca mana millai cashcatapish, canta huañuchingapac mana mashcacushtapish canllatac ña yachanguimi. Ñucaca ima juchata mana ruhuashcanichu, ashtahuanpish canmari ñucata huañuchisha nishpa mashcashpa puricungui.