PROVERBIOS 27:25 - Dios Rimashcata Quillcashcami

²⁵ Pambacunapi quihua huiñashpaca quihua pambacunami tucun. Lomacunamantami quihuataca tandachishca canga.

PROVERBIOS 27:25 ပူးပေါင်းရင်းမြစ်များ

SALMOS 104:14

Canmi animalcunamanca quihuata, gentecunamanca micunata pucuc chagracunata huiñachingui.

SALMOS 147:8

Paimi jahua cielocunata puyuhuan tapashpa tamyata allpaman cachangapac allichin. Paimi urcucunapipish quihuata huiñachin.

PROVERBIOS 10:5

Usyai punzhacunapi cosechacca yuyaisapa churimi. Ashtahuanpish cosechana punzhacunapi sueñuc churica pingaichinmi.

PROVERBIOS 27:26

Maltón ovejacunaca cambac churanata randingapac, cutin cambac cari chivocunaca allpata randingapacmi canga.

ISAÍAS 17:5

Paicunaca cosechac runa maquihuan pitishca trigo shinami tucunga. Refaim pambapi cosechashca quipa grano umata tandashca shinami tucunga.

JEREMÍAS 40:10

Caldeocuna cancunapacman shamucpica, ñucami cancunapac randi cai Mizpa llactapi rimasha. Ashtahuanpish cancunaca, cancuna japishca llactacunallapitac shuyaichiclla. Vinotapish, aceitetapish, pucushca granotapish usyai punzhacunapi tandachishpa, huasipi huacaichichiclla» nirca.

JEREMÍAS 40:12

Chaimantami Judá llactamanta llucchishpa cachashca gentecunaca chai pushtullamantac cutirca. Paicunaca Gedaliaspacmanmi Mizpa llactaman shamurca. Chaipimi usyai punzhacuna tiyac vinotapish, ima shuctac granotapish achcata tandachirca.