PROVERBIOS 27:21 - Dios Rimashcata Quillcashcami

²¹ Cullquitaca pailapi churashpa, curitaca hornopi churashpami alli cashcataca ricun. Runa alli cashcaca shuccuna alli nicpimi yacharin.

PROVERBIOS 27:21 ပူးပေါင်းရင်းမြစ်များ

2 SAMUEL 14:25

Absalón shina tucuipac alli nishca runaca tucui Israel llactapica shucllapish mana tiyarcachu. Paica chaquimanta umacaman sumac runami carca.

JOB 28:1

Cullquita maimanta llucchinaca tiyanmi, curita rupachishpa yacuyachinapish tiyanmi.

SALMOS 12:6

Mandac Diospac shimicunaca hornopi canchis cutin rupachishpa tucui mapata anchuchishca chuya cullqui shina mapa illacmi.

SALMOS 66:10

Dioslla, ñucanchictaca llaquichishpami ima shina cacta ricurcangui. Chuya cullquita ruhuangapac rupachic shinami chuyayachircangui.

PROVERBIOS 17:3

Cullquitapish, curitapish hornopi rupachishpami alli cashcata ricuna. Ashtahuanpish runapac shungutaca Mandac Diosmi ricucun.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

MALAQUÍAS 3:3

Paimi Levipac huahuacunataca chuyayachinga. Chaimantami curita, cullquita chuyayachic shina, juchacunata anchuchishpa chuyayachingapac tiyaringa. Cullquita ninapi rupachishpa, chuyayachic shinami mapata anchuchinga. Shina ruhuacpimi, cashcata ruhuashpa, Mandac Diosman ofrendata cunga.

SAN LUCAS 6:26

¡Tucui gentecunapac alli nishcacunalla, imachari tucunguichic! Chai shinallatacmi ñaupa taitacunapish, llullac huillaccunataca alli nic nirca.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

1 PEDRO 4:12

Cuyashca criccuna, cric cashcata ricungapac rupachic shina llaquicuna japicpipish, “jaicapi mana japishca llaquicunami japin” nishpa, ama mancharichicchu.

1 SAMUEL 18:30

Filisteocunata mandaccunaca macanacungapacmi shamushpa catirca. Chashna ima horas shamucpipish Saulta serviccunamanta yallica Davidmi ashtahuan atic carca. Chaimantami paitaca yallita cuyashpa, alli nic carca.