PROVERBIOS 26:24 - Dios Rimashcata Quillcashcami

²⁴ Piñac runaca nic tucushpallami mishquillata riman. Ashtahuanpish shungupica pandachina yuyaillami puricun.

PROVERBIOS 26:24 ပူးပေါင်းရင်းမြစ်များ

GÉNESIS 34:13

Shina nicpipish, Siquem moso Dinata japirishpa llaquichishcamantaca paitapish, paipac taitatapish Jacobopac churicuna umashpaca:

2 SAMUEL 13:26

Chaimantami Absalonca: —Quiquin mana risha nishpaca, ñuca huauqui Amnonllatapish cachaiyari— nirca. Shina nicpimi, jatun mandacca: —¿Imapactac Amnonta apasha ninguiyari?— nirca.

2 SAMUEL 13:27

Chashna Absalón cachachun nicucllapitacmi jatun mandacca Amnontapish, tucui churicunatapish paihuan richun saquirca.

2 SAMUEL 20:9

Chaipimi Joabca Amasataca: —Ñuca huauquilla, ¿ima shinallatac cangui?— nishpa muchangapac Amasapac alli lado barbaspi japirirca.

NEHEMÍAS 6:2

Chashna allichishcata yachac chayashpami Sanbalatpish, Gesempish shuc huillacta cachashpaca: «Ono pambapi tiyac maijan uchilla llactapi tandanacungapac shamui» nirca. Ashtahuanpish paicunaca ñucata llaquichingapacmi yuyarinacushca carca.

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

SALMOS 28:3

Ama chai millai runacunahuan pacta huañuchichu. Paicunaca shuccunahuan sumacta rimashpapish shungupica millaitami yuyancuna.

SALMOS 41:6

Ñucata ricungapac shamushpaca llullanacuncunami. Paicunapac shungupica paicunallatacmi yalli millaita jundachicun. Canzhaman llucshishpaca ñuca ima shina cashcatami parlancuna.

PROVERBIOS 10:18

Piñarishca cashpapish mana piñarishca shina shungullapi charicuc runaca llullami. Pitapish yanga juchanchishpa rimac runaca mana entendic runami.

PROVERBIOS 11:1

Mandac Diosca mana alli pezac balanzataca manatac ricunayachinchu. Ashtahuanpish allita pezac balanzahuanca cushicunmi.

PROVERBIOS 12:17

Mana llullac runaca cashcatami huillan. Ashtahuanpish llullashpa huillacca umashpami parlan.

PROVERBIOS 12:20

Millaita yuyarishpa causaccunapac shungupica, llullana yuyaillami tiyan. Ashtahuanpish cushilla causachun cunaccunaca cushicunmi.

PROVERBIOS 12:5

Cashcata ruhuaccunaca allicunatacmi ruhuanata yuyancuna. Ashtahuanpish Diosta mana manchaccunaca llullashpami yuyaita cuncuna.

PROVERBIOS 14:8

Allita yachac runaca pai ima shina causashcatami yuyarin. Ashtahuanpish yuyai illac runaca yuyaita mana charishcamantami llullallapi causan.

PROVERBIOS 23:7

Paica, paipac shungupi ima shina yuyaricushca shinallatac cashpami: «Micuilla, ubiailla» ninga. Shina cashpapish mana tucui shunguhuanchu chashnaca nicun.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

1 SAMUEL 18:17

Chaimantami Saulca Davidtaca: —Riqui, ñuca punta ushi Merabtami cambac huarmi cachun cugrini. Can Mandac Diosmanta sinchita macanacushpa atichunmi cambac huarmi cachun cugrini— nirca. Shina nicpipish, Saulca Davidtaca: «Mana ñuca maquihuan huañuchishachu. ¡Ashtahuanpish filisteocuna huañuchichun!» yuyashpami, chashna nirca.