PROVERBIOS 25:8 - Dios Rimashcata Quillcashcami

⁸ Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

PROVERBIOS 25:8 ပူးပေါင်းရင်းမြစ်များ

2 SAMUEL 2:26

Chai pushtumantami Abnerca Joabtaca: —¿Cambac espadahuan huañuchishpa caticugringuillachu? ¿Cai macanacui tucurishca quipa yalli llaqui tiyanataca manachu yachangui? ¿Ima horacamantac cambac gentecunataca paicunapac huauquicunata huañuchishpa caticuchun saquigringuiyari? ¿Ima horatac jarcarigringui?— nishpa caparirca.

1 REYES 3:25

Ña apamucpimi jatun mandacca: —Causacuc huahuata chaupishpa, ishcaimanta chaupita cuichic— nirca.

PROVERBIOS 14:12

Runamanca alli ñan shinami ricurin. Shina cashpapish, huañuiman pushac ñanmi.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

PROVERBIOS 18:6

Yuyai illac runa rimashpaca piñanacuillapimi churan. Paipac rimashcaca llaquichichunmi caparicun.

PROVERBIOS 30:33

Maijanpish lecheta yallita cuyuchishpaca mantequillatami llucchin. Singata yallita quic nishpaca yahuartami llucchin. Pihuanpish yallita piñarishpaca, piñanacuipimi churan.

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

JEREMÍAS 5:31

Dios ima nishcata huillaccunapish llullashpami huillan. Curacunapish paicuna munashca shinami pushacun. Ñuca acllashcacunapish chaitami munancuna. Chaimanta llaqui punzhacuna chayamucpica, ¿imatatac ruhuanguichic?

SAN MATEO 5:25

Maijan canta juezpacman cayachigricpica, manarac juezpacman chayashpa, canta cayachic-huan alli tucungui. Mana cashpaca juezman cucpi, juezca soldadocunaman cushpa cantaca carcelpi churangami.