PROVERBIOS 25:4 - Dios Rimashcata Quillcashcami

⁴ Cullquita yacuyachishpa mapata anchuchingui. Chashna anchuchicpimi, cullquita yacuyachic runamanca sumac imallacuna llucshinga.

PROVERBIOS 25:4 ပူးပေါင်းရင်းမြစ်များ

SALMOS 66:10

Dioslla, ñucanchictaca llaquichishpami ima shina cacta ricurcangui. Chuya cullquita ruhuangapac rupachic shinami chuyayachircangui.

PROVERBIOS 17:3

Cullquitapish, curitapish hornopi rupachishpami alli cashcata ricuna. Ashtahuanpish runapac shungutaca Mandac Diosmi ricucun.

PROVERBIOS 25:3

Jahua pacha maicaman cactapish, cai pacha maicaman ucu cactapish, jatun mandaccunapac shungu imata yuyacushcatapish pi mana yachai pudinchu.

PROVERBIOS 26:23

Mana alli shunguhuan crinallata llullashpa parlashcaca cullquita yacuyachishpa mapata llucchishpa, barro mangapi saquishca shinami.

EZEQUIEL 22:18

«Huañunalla runa, israelcunaca ñucamanca hornopi bronceta, estañota, fierrota, plomota shitacpi, chicanyashca mapa shinami.

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.