PROVERBIOS 25:15 - Dios Rimashcata Quillcashcami

¹⁵ Mandac piñaricpica, allimantallami cushichina. Sumac rimaicunaca tullutapish paquinllami.

PROVERBIOS 25:15 ပူးပေါင်းရင်းမြစ်များ

JOB 41:3

¿Paica ama llaquichichun canta mañac shamungachu? ¿Cantaca cuilla rimaicunahuan mañangachu?

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

ECLESIASTÉS 10:4

Mandac yallita canta piñacpipish, can imata ruhuacushcataca ama saquinguichu. Alli shungu runaca yallita piñarishcatapish parachinmi.

JUECES 14:9

Chai mishquita maquihuan japishpami Sansonca micushpa ñanta rirca. Ña taita mamahuan tupashpaca paicunamanpish cararcami. Shina carashpapish león huañushcamanta mishquita llucchishcataca mana parlarcachu.

1 SAMUEL 25:14

Ashtahuanpish serviccunapuramanta shucmi Nabalpac huarmi Abigailman huillashpaca: —Riqui, Davidca shitashca pambapi cashpami ñucanchic amota ¿allillachu cangui? nichun cacharca. Ashtahuanpish paica rimashpami llaquichirca.