PROVERBIOS 25:1 - Dios Rimashcata Quillcashcami

¹ Cai yuyaita cuc rimaicunapish Salomón quillcashcallatacmi. Cai rimashcacunaca Judá llactata jatun mandac Ezequiaspac quillcaccuna copiashcami.

PROVERBIOS 25:1 ပူးပေါင်းရင်းမြစ်များ

1 REYES 4:32

Salomonca quimsa huaranga sumac rimaicunata shinallatac pichca huaranga cantocunatami quillcarca.

PROVERBIOS 1:1

Cai yuyaita cuc rimaicunaca, Davidpac churi israelcunata jatun mandac Salomón quillcashcami.

PROVERBIOS 10:1

Cai yuyaita cuc rimaicunaca Salomón quillcashcami. Yuyaisapa churica taitata cushichinmi. Ashtahuanpish mana entendic churica mamata llaquichinmi.

PROVERBIOS 24:34

huaccha cana punzhacunaca yanga puric runa shinami chayamun. Shinallatac imapish illac canaca macanacuc runa shinami shamun.

ECLESIASTÉS 12:9

Huillac runaca ashtahuan yachacushpaca ashtahuanmi gentecunata yachachirca. Shinallatac allita uyashpa ima shina cashcata ricushpami tauca yuyachic rimaicunata quillcarca.

ISAÍAS 1:1

Isaiasca Amozpac churimi carca. Paica jatun mandac Uzías, Acaz, Ezequías Judá llactata mandacui huatacunapimi Judá llactapish, Jerusalenpish ima tucunata muscuipi shina ricushcata huillarca.

ISAÍAS 36:22

Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

ISAÍAS 37:2

Chai quipami mayordomo Eliaquimtapish, quillcac Sebnatapish, curacunata pushac yuyaccunatapish sharpa churanata churachishpa Dios ima nishcata huillac Isaiaspacman cacharca. Isaiasca Amozpac churimi carca.

OSEAS 1:1

Judá llactataca jatun mandac Uzías, Jotam, Acaz, Ezequías mandacucpi, cutin Israel llactataca Joaspac churi jatun mandac Jeroboam mandacui punzhacunapimi, Mandac Dios Beripac churi Oseasman huillarca.

MIQUEAS 1:1

Jatun mandac Jotam, Acaz, Ezequías Judá llactata mandacui punzhacunapimi Mandac Diosca Moreset llactamanta Miqueasman Samaria llactatapish, Jerusalentapish llaquichinamanta muscuipi shina huillarca.