PROVERBIOS 24:32 - Dios Rimashcata Quillcashcami

³² Chaita ricushpami, ñuca shungupi yuyarishpa cai yachachinata yuyarircani:

PROVERBIOS 24:32 ပူးပေါင်းရင်းမြစ်များ

JOB 7:17

¿Runataca ima cacpitac jatunyachinguiyari? ¿Imamantatac paipi shunguta churanguiyari?

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

PROVERBIOS 24:31

Chai pambacunapica chinicuna, cashacuna huiñashpa jundashcami carca. Chai pamba muyundi pircacunapish tucui urmashcami carca.

PROVERBIOS 24:33

Ashata sueñushpa, umata caiman chaiman cuyuchishpa, ashata samaringapac maquita cruzashpa siricucpica,

SAN LUCAS 2:19

María tucui chaicunata uyashpaca paipac shungupimi yuyarishpa causacurcalla.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

1 CORINTIOS 10:6

Tucui chaicunaca, paicuna shina ñucanchicpish ama millaita ruhuanata munachunmi chashnaca tucurca.

DEUTERONOMIO 13:11

Caita tucui israelcuna uyashpaca, manchashpami cancunapac chaupipi chashna mana allitaca ña mana ruhuangacuna.

DEUTERONOMIO 21:21

Chashna huillacpimi, chai llactapi tucui causaccuna rumihuan shitashpa huañuchinga. Chashnami cancunapac chaupimanta juchata anchuchinguichic. Chaita tucui israelcuna uyashpaca manchangami.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!