PROVERBIOS 24:17 - Dios Rimashcata Quillcashcami

¹⁷ Canta piñac runa llaquipi urmacpica, ama cushicuichu. Mitcaric shina pandaricpipish, shungullapi ama cushicuichu.

PROVERBIOS 24:17 ပူးပေါင်းရင်းမြစ်များ

2 SAMUEL 3:32

Abnerpac cuerpotaca Hebrón pueblopimi enterrarca. Chaipimi jatun mandac Davidca enterrana jutcu ladopi munai huacarca. Shinallatac tucui gentecunapish huacarcacunami.

JOB 31:29

Ñucata piñac llaqui tucucpi, paita llaqui japicpica mana cushicushpa asircanichu.

SALMOS 35:15

Ashtahuanpish ñuca llaquihuan cacpica, tandanacushpami asircacuna. Ñuca mana yachacpimi, ñucata piñaccunaca ñucata llaquichingapac tandanacurca. Paicunaca mana saquishpami, yallita llaquichicurca.

SALMOS 35:19

Ñucahuan yanga piñariccunaca amatac cushicuchuncuna. Yanga mana ricunayachiccunapish ama ñahuita quimllachun.

SALMOS 42:10

Ñucata piñaccunaca punzhantami: «¿Maipitac cambac Diosca?» nishpa tapuncuna. Chashna rimashpami, ñuca tullucunataca ñutuchic shina llaquichincuna.

PROVERBIOS 17:5

Huaccha runata asicca paita ruhuac Diostami piñachin. Llaquihuan cacpi, cushicuc runaca paipish llaquitami apanga.

PROVERBIOS 24:18

Pacta Mandac Dios chaita ricushpa cantapish mana alli ninman. Pacta paita piñarishpa llaquichinatapish paimanta anchuchinman.

ABDÍAS 1:12

Cambac huauqui llaquihuan cai punzhapica, mana cushicunachu carcangui. Judá llactapi causaccuna chingaricui punzhapica, mana asinachu carcangui. Paicuna jatun llaquita apacui punzhapica, mana jatun tucunachu carcangui.

MIQUEAS 7:8

Ñucata piñaclla, ñucamanta ama cushicuichu. Ñucaca urmashpapish jatarishallami. Ñuca pura tutapi causacucpica, Mandac Diosmi achicyachinga.

JUECES 16:25

Paicunaca tucui shunguhuan cushilla cashpami: —Sansonta burlashpa asingapac llucchimugrichic— nircacuna. Sansonta burlashpa asingapacmi, carcelmanta llucchishpa, jatun huasi ishcai pilar chaupipi shayachircacuna.