PROVERBIOS 23:30 - Dios Rimashcata Quillcashcami

³⁰ Chai llaquicunaca vinota ubiaccunapac, chapushca vinota ubiashpalla causaccunapacmi can.

PROVERBIOS 23:30 ပူးပေါင်းရင်းမြစ်များ

GÉNESIS 9:21

Chai uvas vinota ubiashpami Noeca machashpa, chai carpa huasi ucu pambapi lluchulla siricurca.

SALMOS 75:8

Mandac Diosca pucushca jayac vinotaca paipac copa jundatami charicun. Chai vinoca tucuilayahuan chapushcami. Chai vinota pai tallicpica, tucui cai pachapi causac paita mana cazuccunami tucuringacaman ubianga.

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

PROVERBIOS 23:20

Vinota ubiaccunahuanpish, yallita micuc runacunahuanpish ama tandanacunguichu.

PROVERBIOS 9:2

Shinallatac micuna mizapi churangapacpish, animalcunata huañuchishpa, vinotapish chapurca.

ISAÍAS 28:7

Huillaccunapish, curacunapish vinota ubiashpami pandarirca. Machana yacuta ubiashpami yuyai illac tucurca. Machana yacuta, vinota ubiashpami macharirca. Chaicunata ubiashpa macharishpami, imatapish muscuipi shina, Dios ricuchishcataca pandata huillarca. Imata ruhuashpapish pandarircami.

ISAÍAS 5:11

¡Aij, tutamanta utca jatarishpa, tutayangacaman nina japiric shina, machangapac riccunalla!

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.