PROVERBIOS 23:20 - Dios Rimashcata Quillcashcami

²⁰ Vinota ubiaccunahuanpish, yallita micuc runacunahuanpish ama tandanacunguichu.

PROVERBIOS 23:20 ပူးပေါင်းရင်းမြစ်များ

PROVERBIOS 20:1

Runaca vinota ubiashpaca burlashpami asin. Machana yacuta ubiashpaca bullashpami caparin. Chaicunata ubiashpaca mana yachaisapa cashcatami ricuchin.

PROVERBIOS 21:17

Mana allicunata ruhuashpa cushicuc runaca huacchayangami. Vinotapish, mishquilla ashnacuctapish munac runaca mana charicyangachu.

PROVERBIOS 23:2

Yallita micunayaihuan cashpaca, cuchillota cungapi churac shina jarcaringui.

PROVERBIOS 28:7

Mandashcata pactachicca alli yuyaiyuc churimi. Ashtahuanpish micushpalla causac runahuan tandanacuc churica taitapac pingaimi.

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

ISAÍAS 5:11

¡Aij, tutamanta utca jatarishpa, tutayangacaman nina japiric shina, machangapac riccunalla!

ISAÍAS 5:22

¡Aij, machangapacpish, machana yacuta chapungapacpish sinchi runacunalla!

SAN MATEO 24:49

caishuc serviccunata macashpa, machaccunahuan tandarishpa micushpa, ubiashpa puri callaringa.

SAN LUCAS 15:13

Asha punzhacuna quipaca, chai quipa churica, tucui pai japishcacunata tandachishpami, caru llactaman rirca. Chaipi maipish cachun causashpami, tucui pai charishcacunata tucuchirca.

SAN LUCAS 16:19

Shuc chayuc runami tiyarca. Paica punzhantami achca valic churanata churarishpa, alli micunallata micushpa cushicuc carca.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

ROMANOS 13:13

Punzhapi puricuc shina, allita ruhuashpa causashunchic. Ama yalli micunallata, ubianallata munashunchic, ama huainayashunchic, ama piñanacuipi churashunchic, ama mana allicunata ruhuashunchic.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

DEUTERONOMIO 21:20

Chashna apashpami, chai llactata pushac yuyaccunamanca: “Cai ñucanchic churica mana cazuc, sinchi shungumi. Ñucanchic nishcatapish mana cazushpami, paipac munashcata ruhuashcata ruhuashpa, machashpa purin” nishpa huillanga.