PROVERBIOS 23:15 - Dios Rimashcata Quillcashcami

¹⁵ Ñuca huahualla, cambac shungu yuyaisapa cacpica, ñuca shungupish cushicungami.

PROVERBIOS 23:15 ပူးပေါင်းရင်းမြစ်များ

PROVERBIOS 1:10

Ñuca huahualla, millaita ruhuaccuna inquitacpipish ama uyanguichu.

PROVERBIOS 10:1

Cai yuyaita cuc rimaicunaca Salomón quillcashcami. Yuyaisapa churica taitata cushichinmi. Ashtahuanpish mana entendic churica mamata llaquichinmi.

PROVERBIOS 15:20

Yachaisapa churica paipac taitata cushichinmi. Ashtahuanpish yuyai illac runaca paipac mamatami yangapi churan.

PROVERBIOS 2:1

Ñuca huahualla, ñuca rimashcacunata chasquishpa, ñuca mandashcacunata shungupi huacaichishpa,

PROVERBIOS 27:11

Ñuca huahualla, yachaisapa tucushpa ñuca shunguta cushichiyari. Shina cacpimi ñucata piñaccunamanca rimashpa cutichi pudisha.

PROVERBIOS 29:3

Alli yachacunata munac runaca paipac taitata cushichinmi. Ashtahuanpish cullquimanta huainayac huarmihuan puricca tucui charishcatami yanga tucuchin.

PROVERBIOS 4:1

Huahuacuna, shuc taita yachachishcata uyaichic. Allita entendishpa causangapac alli uyaichic.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN JUAN 15:11

Ñuca cushicuc shina cancunapish cushicuchun, shinallatac yallita cushicuihuan causachunmi, caicunataca nini.

SAN JUAN 21:5

Chashna cacpimi Jesusca: —Huahuacuna, ¿manachu ima challuata japishcanguichic?— nishpa tapurca. Chashna tapucpi paicunaca: —Imata mana japinchicchu— nirca.

1 JUAN 2:1

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.

2 JUAN 1:4

Dios ñucanchicta mandashca shina, cancunapurapi maijancuna cashcata nic huillashcata crishpa causacushcata yachashpami, yallita cushicuni.