PROVERBIOS 22:29 - Dios Rimashcata Quillcashcami

²⁹ ¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

PROVERBIOS 22:29 ပူးပေါင်းရင်းမြစ်များ

GÉNESIS 41:38

Chaimantami Faraonca paita serviccunataca: —¿Diospac Espirituhuan cac cai shina runataca maipi tarishunchu?— nirca.

GÉNESIS 41:46

José Egipto llactata jatun mandac Faraonta servinata callarishpaca, quimsa chunga huatatami charirca. Mandac Faraonpac ñaupamanta José rishpaca, tucui Egipto allpacunatami ricushpa purirca.

GÉNESIS 47:6

Egipto llactaca cambac maquipimi. Cambac taitatapish, cambac huauquicunatapish Gosén llactapi ashtahuan alli allpapi causachun churai. Paicunapuramanta maijan alli yuyaiyuc cacpica, ñuca animalcunata ricuchun churangui— nirca.

2 SAMUEL 2:32

Asaeltaca Belén puebloman apashpami, paipac taita ruhuachishca sepulturapi enterrarca. Chai quipami Joabpish, paipac runacunapish tucui tuta purishpa, ña punzhayanata Hebrón pueblopi chayarca.

1 REYES 10:8

Cambac runacunaca yallita alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

1 REYES 11:28

Jeroboamca imatapish mana manchac sinchi runami carca. Chashna cacta ricushpami, Salomonca ñaupa taita Josepac huahua huahuacunata tucuipi ricushpa mandachun churarca.

1 CRÓNICAS 4:23

Chai runacunaca allpamanta imatapish ruhuashpami, chagra chaupipi, muyundi pircashca chaupipi jatun mandacta servishpa causarca.

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.

PROVERBIOS 12:24

Alli trabajac runaca mandashpami causanga. Ashtahuanpish quilla runaca mandashcallami causanga.

PROVERBIOS 23:1

Shuc mandac-huan micungapac tiyarishpaca, paihuan tiyacushcataca alli yuyaringui.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

DANIEL 1:19

Jatun mandac chai tucui mosocunahuan parlashpaca, Daniel, Ananías, Misael, Azarías shina cacta mana tarircachu. Chashnami paicunaca jatun mandacpac ñaupapi servicurca.

DANIEL 1:4

Shinallatac mana ima tucushca, sumac ñahui, imatapish allita yachac, alli yuyaiyuc mosocunatami mandana huasipi paita servishpa causaccunata quillcanatapish, caldeocunapac rimaitapish yachachichun cayac cacharca.

SAN MATEO 25:21

Chashna nicpimi amoca: “Allitami ruhuashcangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui” nirca.

SAN MATEO 25:23

Chashna nicpimi amoca: “Allimi, canca allita ruhuac, cazuc servicmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui” nirca.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

1 SAMUEL 16:21

Saulpacman David chayashpaca paita servicmi tucurca. Saulca Davidta mai cuyashpami paipac escudota apachun churarca.

1 SAMUEL 17:31

David tapushcata uyaccunaca Saulmanmi huillangapac rirca. Chaimantami Saulca Davidta cayachun cacharca.