PROVERBIOS 22:18 - Dios Rimashcata Quillcashcami

¹⁸ Cai rimaicunata cambac shungupi huacaichishpaca cushicunguimi. Cambac callu puntapimi rimangapac charingui.

PROVERBIOS 22:18 ပူးပေါင်းရင်းမြစ်များ

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 119:13

Can mandashpa rimashcataca ñuca shimihuanmi callarishpa huillarcani.

SALMOS 119:162

Macanacushpa achcata japishpa cushicuc shinami, can rimashcahuanca yallitami cushicuni.

SALMOS 119:171

Can quillcashpa mandashcacunata yachachicpica, cantaca mana shaicushpami alabasha.

SALMOS 19:10

Sumaimana curitapish yalli munanami. Ashtahuan alli bunga mishquitapish yalli mishquimi.

PROVERBIOS 10:13

Alli yuyaita charicpac shimimantaca alli yachaimi llucshin. Ashtahuanpish varaca mana entendiccunata macangapacmi.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 16:21

Shungupi yuyaisapa runaca entendic runa nishcami canga. Sumacta rimashcaca ashtahuanmi yachachin.

PROVERBIOS 2:10

Cai alli yachai cambac shungupi yaicucpi, cambac almapac alli cacpica,

PROVERBIOS 22:19

Mandac Diospi shunguta churachunmi cunanpish canman yachachini.

PROVERBIOS 25:11

Manarac llaqui tiyacpi, alli yuyarishpa rimarishcaca curi manzanapi cullquita churashpa, sumacta ruhuashca shinami.

PROVERBIOS 3:17

Paipac ñancunaca sumac cushilla purina ñancunami.

PROVERBIOS 4:20

Ñuca huahualla, ñuca yachachishpa rimashcacunata, ñuca yuyaita cushcacunatapish alli uyaiyari.

PROVERBIOS 4:21

Cai alli yachachishcamantaca ama caruyanguichu. Cambac shungupi huacaichingui.

PROVERBIOS 8:6

Ñucaca sumac rimaicunatami rimagrini. Ñuca shimihuanca allita ruhuanatami yachachigrini. Chaitaca uyaichicyari.

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.

MALAQUÍAS 2:7

Paicunaca tucuita Mandac Diospac huillaccunami. Chaimantami paicunaca allillata huillancuna. Chashna huillacpimi, gentecunaca mandashcamanta yachanata munanga.

SAN JUAN 7:38

Dios quillcachishcapi nishca shina, maijanpish ñucata cricpac shungumantaca, causaita cuc yacumi llucshinga— nirca.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!