PROVERBIOS 21:20 - Dios Rimashcata Quillcashcami

²⁰ Yuyaisapa runapac huasipica ima valiccunapish, aceitepish tiyanmi. Ashtahuanpish yuyai illac runaca tucuitami tucuchin.

PROVERBIOS 21:20 ပူးပေါင်းရင်းမြစ်များ

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

JOB 20:18

Tucui pai trabajashcamanta japishcataca mana micushpami cutichinga. Chaihuanca mana jatun tucushpa cushicungachu.

SALMOS 112:3

Chai runapac huasipica charinacunapish, ima allicunapish tiyanmi. Pai cashcata ruhuashcapish huiñaipacmi canga.

SALMOS 23:5

Ñucata piñaccunapac ñaupapimi jatun micuipi tiyachircangui. Aceitetapish ñuca umapimi churarcangui. Ñuca copapipish tallirictami jundachircangui.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.

PROVERBIOS 15:6

Cashcata ruhuac runapac huasipica imapish achcami tiyan. Ashtahuanpish Diosta mana manchac runa ima charishcaca paillatatacmi pandachin.

PROVERBIOS 22:4

Mandac Diosta manchashpa, mana jatun tucushpa causashpaca chayucyancunami, alli nishcapish tucuncunami. Shinallatac causaitapish charinmi.

PROVERBIOS 8:21

Ñucata cuyaccuna paicuna japina cashcata japichunmi, chashnaca pushasha. Alli valishcacunatapish huacaichinapi jundachishami.

ECLESIASTÉS 10:19

Cushicungapacmi jatun micuitaca ruhuana. Vinopish cushilla cangapacmi can. Cullquica tucuita ruhuashpa cushicungapacmi can.

ECLESIASTÉS 5:19

Shinallatac Dios runaman ima charinacunata, ima allicunata cushpaca, chaillamantatac micushpa causachun, paipac cashcata japishpa cushicuchunmi munan. Trabajashcamanta Dios cushcaca chaimi can.

ECLESIASTÉS 7:11

Alli yachac, shinallatac herenciata charic runaca allimi. Paica intita ricushpa causaccunapacca mai allimi.

JEREMÍAS 41:8

Chaimantami paicunapuramanta chunga runacuna Ismaeltaca: «Ñucanchicta ama huañuchichu. Ñucanchic allpapica achca trigota, cebadata, aceiteta, abeja mishquitami pacashpa charicunchic» nirca. Chaimantami paicunahuan cac runacunata shina mana huañuchirca.

SAN MATEO 25:8

Shinami chai mana alli yuyaiyuc solteracunaca chai alli yuyaiyuc solteracunataca: “Ñucanchic lamparacunaca ñami huañugrin. Asha aceiteta convidaichic” nirca.

SAN LUCAS 15:14

Tucui tucuchishca quipaca, chai llactapi ima mana pucucpi, yalli yarcaimi tiyarca. Chaimantami paipish llaquilla causai callarirca.

SAN LUCAS 16:1

Jesusca paipac yachacuccunataca: «Shuc chayuc amomi, shuc mayordomota charirca. Paitami amoca, paipac charishcacunata yanga tucuchishcamanta juchanchirca.

SAN LUCAS 6:45

Alli runaca, shungupi alli yuyaiyuc cashcamantami allita riman. Mana alli runaca shungupi millai yuyai junda cashcamantami mana allita riman. Shungupi ima tiyashcatami shimica riman.