PROVERBIOS 21:13 - Dios Rimashcata Quillcashcami

¹³ Huaccha runa caparishpa mañacpi, mana uyac runataca quipata pai caparicpipish mana uyangachu.

PROVERBIOS 21:13 ပူးပေါင်းရင်းမြစ်များ

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

JOB 29:12

Yarcaihuan capariccunamanca ñucami cararcani. Taita mama illaccunataca ñucami ayudac carcani.

SALMOS 18:41

Paicuna caparicpipish pi mana ayudarcachu. Can Mandac Diostapish mañarcacunami, canpish mana uyarcanguichu.

SALMOS 58:4

Culebra shina venenoyucmi cancuna. Mana uyac culebra shinami mana uyancuna.

PROVERBIOS 1:28

Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

PROVERBIOS 28:27

Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

SAN MATEO 6:14

Shuccuna ima mana allita ruhuashcata perdonacpica, jahua pachapi tiyac cancunapac Diospish cancunata perdonangami.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

SAN LUCAS 13:25

Huasiyuc jatarishpa, punguta huichcashca quipa, cancuna canzhapi saquirishpaca: “Huasiyuc, amito, punguta pascai” nicunguichic. Chashna nicpica huasiyucca: “Pichari canguichic, mana ricsinichu” ningami.

HECHOS 7:57

Chashna nishcata mana uyashun nishpami, ringrita taparishpa caparircacuna. Chaimantaca huaicashpami, Estebanta japirca.

1 JUAN 3:17

Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?