PROVERBIOS 20:25 - Dios Rimashcata Quillcashcami

²⁵ Shuc runa manarac alli yuyarishpa Diosman imata cushami nishpaca, tucllapi urmac shinami tucun.

PROVERBIOS 20:25 ပူးပေါင်းရင်းမြစ်များ

PROVERBIOS 18:13

Manarac imata uyashpa rimaric runaca yuyai illac, shinallatac mana pingacmi can.

PROVERBIOS 18:7

Yuyai illac runaca paipac rimashcallahuantacmi llaqui tucun. Paipac shimillahuantacmi huascata cungapi churaric shina tucun.

ECLESIASTÉS 5:2

Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

LEVÍTICO 5:15

«Maijanpish mana yachashcamanta Mandac Diosman cuna cashcata mana cushpaca juchallinmi. Chaimantaca paipac manadamantami ima mana tucushca shuc cari ovejatami Mandac Diosman cuna can. Chai ovejaca Diospac carpa huasipi tiyac siclos cullqui valishca shinami canga. Chai cullqui vali cacpimi, curaca juchata pichachun Diosman cunga.

SAN MATEO 5:33

Shinallatac cancunapac ñaupa taitacunamanca: “Diospac shutipi imata ari nishpaca, pactachingui” nishcatami uyashcanguichic.

DEUTERONOMIO 23:22

Cutin paiman mana cusha nishpaca, mana cushpapish, mana cushpapish mana juchayucchu tucunguichic.

DEUTERONOMIO 23:23

Cancunapac shimihuan cusha nishcataca pactachinami canguichic. Mandac Diosman cushami nishcata, cunami canguichic. Chashnami cancunapac shimihuan cusha nishcata pactachina canguichic.

DEUTERONOMIO 23:24

Huauquipac uvas chagrapi yaicushpaca, huicsa pactatami micui pudinguichic. Ashtahuanpish apangapac ama canashtapi churanguichicchu.

JUECES 21:22

Cutin solteracunapac taitacuna, mana cashpaca turicuna ñucanchicta imatapish nic shamucpica: “Ñucanchicca macanacushpapish mana tucui paicunaman solteracunataca tarircanchicchu. Cai ushicunataca mana cancunapac maquihuanchu cushcanguichic. Chaimanta mana juchayucchu tucunguichic. Cai solteracunata paicunaman cazarachun cuichicllayari” nishunllami» nirca.