PROVERBIOS 20:18 - Dios Rimashcata Quillcashcami

¹⁸ Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 20:18 ပူးပေါင်းရင်းမြစ်များ

1 REYES 1:12

Riqui, cunanca cantapish, cambac cari huahua Salomontapish ama huañuchichunca, ñuca yuyaita cushcata uyai.

2 REYES 18:20

Canca macanacungapac alli yuyaiyuc alli sinchimi cani ninguimi. Canca shimillami cangui. ¿Ima nishpatac mana cazushpa, ñucahuan macanacungapac shayaringui?

PROVERBIOS 11:14

Shuc mandac pueblota mana allita mandacpica, llaqui tucushpa urmangami. Ashtahuanpish cunaccuna achca tiyacpica, mana llaqui tucungachu.

PROVERBIOS 15:22

Mana tapunacushpa imata ruhuashcaca, chingarinmi. Ashtahuanpish taucacuna yuyaita cushcaca allimi ruhuarin.

PROVERBIOS 24:6

Jatun macanacuitaca alli yuyaihuanmi ruhuana. Alli yachaccuna cunacpimi, jatun macanacuitaca mishachinga.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

SAN LUCAS 14:31

Maijan jatun mandac shuctac jatun mandac-huan macanacungapac chunga huaranga soldadocunallahuan cashpaca, caishuc mandacca ishcai chunga huaranga soldadocunahuan shamucucpica, manarac macanacushpami yuyarinman.

JUECES 19:30

Chaita ricushpami israelcunaca: —¡Caitaca israelcuna Egipto llactamanta shamushca punzhamanta cunancaman pipish mana ruhuashcachu, mana ricushcanchicchu! Cunanca yuyarinacushpa, tapunacushpa imata ruhuanami can— nirca.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:7

Riquichic, tucui cancunami israelcuna canguichic. Chaimanta cancuna parlanacushpa ima yuyaita cuichicyari— nirca.

JUECES 9:29

¡Cai pueblota ñuca mandacushpaca! ¡Abimelectaca llucchishpami cachaiman! Chashna llucchishpa cachashpaca: “¡Cambac soldadocunata tandachishpa, macanacungapac llucshi!” nimanmi» nirca.