PROVERBIOS 20:13 - Dios Rimashcata Quillcashcami

¹³ Mana huaccha causangapacca ama sueñunallata munaichu. Ñahuita pascashpaca, mana nictami micungui.

PROVERBIOS 20:13 ပူးပေါင်းရင်းမြစ်များ

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.

PROVERBIOS 12:11

Allpapi trabajac runaca mana nictami micunga. Ashtahuanpish yuyai illaccunallami yanga puriccunata catincuna.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

PROVERBIOS 20:14

Randic runa imata randicushpaca: «Mana allichu, mana allichu» ninmi. Ashtahuanpish ña randishpaca, alli nishpami cushicun.

PROVERBIOS 28:19

Chagrapi trabajashpa causacca huicsa pactatami micun. Ashtahuanpish quilla runacunahuan tandanacucca huacchallami causanga.

PROVERBIOS 31:15

Manarac achicyacpi jatarishpami, paipac tucui familiamanpish, paita servicmanpish micunata caran.

JONÁS 1:6

Shina sueñucucpimi, chai barcota purichiccunata mandacca: «¿Ima nishpatac canca sueñucunguilla? ¡Jatarishpa, cambac diosta mañai! Pai ñucanchicta llaquishpa quishpichingapishchari» nirca.

ROMANOS 12:11

Tucui shunguhuan Apunchic Jesusta servichic, ama quilla caichicchu. Ashtahuanpish cusi caichic.

ROMANOS 13:11

Tucui caicunataca cunan punzhapi ima tucushcata ricushpa yuyarichic. Ñucanchic crishca punzhamanta ricucpica, quishpichina punzhaca ñami shamucun. Chaimanta ama sueñucuichicchu, ashtahuanpish riccharishca shina caichic.

1 CORINTIOS 15:34

Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

2 TESALONICENSES 3:10

Ñucanchic cancunahuan cashpaca: “Maijanpish mana trabajasha nicca ama micuchun” nishpami mandarcanchic.