PROVERBIOS 19:20 - Dios Rimashcata Quillcashcami

²⁰ Cunashcatapish, alli causachun rimashcatapish chasquingui. Chaicunata uyashpami yachac tucungui.

PROVERBIOS 19:20 ပူးပေါင်းရင်းမြစ်များ

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

SALMOS 90:12

Ñucanchic shungupi alli yuyaita japingapac, ñucanchic causana punzhacuna yupashcalla cashcata allita ricuchiyari.

SALMOS 90:14

Tutamantapi ñucanchicta yallita llaquiyari. Punzhantami ñucanchicca cushicushpa cantashun.

PROVERBIOS 1:2

Cai rimaicunaca alli yachacungapac, cazushpa causangapacmi. Cai rimaicunaca jatun yuyaicunata ashalla rimaicunahuan yuyaita cungapac,

PROVERBIOS 1:3

shinallatac cazungapac, yachacungapac, cashcata ruhuangapac, allita ruhuangapac, pacta pacta ruhuanata yachacungapac,

PROVERBIOS 1:8

«Ñuca huahualla, alli causachun cambac taita rimashcataca alli uyangui. Alli causachun cambac mama yachachishcataca ama cungaringuichu.

PROVERBIOS 12:15

Yuyai illac runaca paipac yuyaipica alli ñanta ricushcatami yuyan. Ashtahuanpish cunashcata uyashpa cazuc runaca alli yachaisapa runami.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 15:32

Alli yuyaita cushcata mana uyasha nic runaca quiquin almatami yangapi churan. Ashtahuanpish alli tucuchun rimashcata cazuc runaca alli yuyaitami charin.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

PROVERBIOS 4:1

Huahuacuna, shuc taita yachachishcata uyaichic. Allita entendishpa causangapac alli uyaichic.

PROVERBIOS 8:14

Cunanapish, allita yuyarishpa yachac canapish ñucapacmi. Allita yachac canapish, sinchi canapish ñucapacmi.

PROVERBIOS 8:33

Ñuca rimashcacunata uyashpa, alli yachaisapa caichic. Chaitaca ama yangapi churaichicchu.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

SOFONÍAS 3:7

Ñucaca: “Jerusalenpi causaccunaca manchangapishchari. Cunashpa rimashcataca cazungapishchari. Shina cazucpica, paicuna causana huasicunatapish mana chingachimanchu” nishpami yuyarcanimi. Ashtahuanpish paicunaca millaita ruhuanatami munarca.

NÚMEROS 23:10

Jacobomanta mirarishca tiyu shina achca israelcunataca, ¿pitac yachangayari? Chuscupi chaupishcatapish, ¿pitac yupai pudingayari? ¡Ñucaca cashcata ruhuac shina, huañushpachari alli caiman! ¡Paicuna shina tucurishpachari alli caiman!» nirca.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

DEUTERONOMIO 8:16

Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.