PROVERBIOS 19:17 - Dios Rimashcata Quillcashcami

¹⁷ Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 19:17 ပူးပေါင်းရင်းမြစ်များ

2 SAMUEL 12:6

Shinallatac huaccha runata mana llaquishpa, paipac shuclla ovejata huañuchishcamantaca chuscu ovejatami cutichina can— nirca.

SALMOS 41:2

Mandac Diosca huacaichingami, causaitapish cungami. Allpa pachapica alli nishcami canga, millai gentecuna paicuna munashcata ruhuachunpish mana saquingachu.

SALMOS 72:13

Imata mana chariccunatapish, huacchacunatapish llaquishpami paicunapac causaita quishpichinga.

PROVERBIOS 12:14

Runaca pai rimashca shinallatacmi imata cashpapish mana nicta japinga. Paipac maquihuan imata ruhuashca shinallatacmi pai japinataca chasquinga.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

PROVERBIOS 14:31

Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 22:9

Cuyac shunguhuan ricuc runaca bendiciashcami canga. Huacchacunaman carashcamantami chashnaca canga.

PROVERBIOS 28:27

Huaccha runaman carac runaca mana imapish illacchu causanga. Ashtahuanpish mana ayudasha nishpa ñahuita pacac runaca yallita mana alli nishcami canga.

PROVERBIOS 28:8

Cullquita mañachishpa interesta yallita japic runaca huaccha runata llaquic runamanmi huacaichicun.

ECLESIASTÉS 11:1

Cambac tandata yacupi cachai. Achca punzhacuna quipami cutin japingui.

ECLESIASTÉS 11:2

Llactaman ima llaqui shamunataca mana yachanguichu. Canchismanpish, mana cashpaca pusacmanpish carailla.

SAN MATEO 25:40

Shina nicpimi ñucaca: “Cai uchilla ñuca huauquicunaman ruhuashpaca, ñucamanmi ruhuarcanguichic. Chaica chashnatacmi” nishami.

SAN LUCAS 6:38

Shuccuna ima minishtishcata cuichic, Chashna cucpica, Diospish cancunaman cungami. Paica alli medidapimi jatun cushtalpi alli cuyuchishpa jundachishpa, talliricucta cunga. Cancuna cushca shinallatacmi Diosca cancunamanpish cunga» nirca.

DEUTERONOMIO 24:19

Cancunapac trigota cosechapi, shuc gavilla cungarishpa saquirishcataca ama apangapac cutinguichicchu. Chaicunataca shuctac llacta runaman, taita mama illac huahuacunaman, viudacunaman saquinguichic. Shina ruhuacpimi, Mandac Diosca tucui cancunapac maquihuan ruhuashcata bendicianga.

FILIPENSES 4:17

Cancuna ima cushcata chasquinallataca mana yuyanichu, ashtahuanpish cancuna carashcamantaca Diospac ñaupapi ashtahuan charichunmi munani.

HEBREOS 6:10

Cashcata ruhuac Diosca cancuna imata ruhuashcatapish, sarunpish, cunanpish paipaclla caccunata cuyaihuan servishcacunataca, manatac cungaringachu.