PROVERBIOS 19:14 - Dios Rimashcata Quillcashcami

¹⁴ Taitamantaca huasita, shinallatac pai ima charishcacunatami chasquingui. Ashtahuanpish Mandac Diosmantaca alli yuyaiyuc huarmitami chasquingui.

PROVERBIOS 19:14 ပူးပေါင်းရင်းမြစ်များ

GÉNESIS 24:44

Shina nicpi, paica: “Caica, ubiailla, cambac camellocunamanpish yacuta llucchishpa, ubiachisha” nicmi can acllashca, ñuca amopac churipac huarmica canga nicurcanimi.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

PROVERBIOS 13:22

Allita ruhuac runaca herenciatami paipac huahuacunapac huahuacunaman saquinga. Ashtahuanpish juchayuc runapac charishcaca cashcata ruhuac runaman cungapacmi huacaichishca.

PROVERBIOS 18:22

Maijanpish huarmita taricca allitami tarin. Mandac Dios cuyashpa cushcatami chasquin.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunaman cullquita tandachinchu, ashtahuanpish taitacunami huahuacunaman tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.

DEUTERONOMIO 21:16

herenciata cuna punzhapica piñashca huarmipi charishca punta churi japinataca mana cuyashca huarmipi charishca quipa churiman cunacchu.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

1 SAMUEL 25:3

Paica Nabal shutimi carca. Paipac huarmica Abigaíl shuti alli yuyaiyuc alaja huarmimi carca. Ashtahuanpish paipac cusa Nabalca sinchi shungu, mana allita ruhuac Calebpac huahua huahuacunamantami carca.