PROVERBIOS 19:1 - Dios Rimashcata Quillcashcami

¹ Mana entendic shuccunata rimashpa llaquichinapac randica, huaccha cashpapish ima millaita mana ruhuashpa causanami alli.

PROVERBIOS 19:1 ပူးပေါင်းရင်းမြစ်များ

SALMOS 26:11

Ashtahuanpish ñucaca allillatami ruhuashpa purisha. Ñucataca llaquishpa quishpichiyari.

SALMOS 37:26

Paica ima punzhapish llaquishpa mañachinllami. Paipac huahua huahuacunapish bendiciashcami canga.

PROVERBIOS 12:26

Cashcata ruhuac runaca alli ñantami pushan. Ashtahuanpish Diosta mana manchaccunapac ñanca pandachinllami.

PROVERBIOS 14:2

Allita ruhuashpa causac runaca Mandac Diostami manchan. Ashtahuanpish mana allita ruhuac runaca mana ricunayachinchu.

PROVERBIOS 15:16

Achca charishcahuan pandarinapac randica ashallata charishpapish, Mandac Diosta manchashpa causanami ashtahuan alli.

PROVERBIOS 16:8

Mana allita ruhuashpa achcata charinapac randica, cashcata ruhuashpa ashallata charinami ashtahuan alli.

PROVERBIOS 19:22

Shuccunata llaquic runamanca mai cushicuimi can. Llullac runa canapac randica, huaccha canami ashtahuan alli.

PROVERBIOS 20:7

Mana pandarishpa alli causacca cashcata ruhuac runami. Paipac churicunaca pai shina causashpami cushicun.

PROVERBIOS 28:6

Chayuc cashpapish millaita ruhuashpa causanapac randica, huaccha cashpa allita ruhuashpa causanami ashtahuan alli.

PROVERBIOS 4:24

Cambac shimihuan mana allita rimanata jarcaringui. Cambac shimihuan llullanata cuidaringui.

ISAÍAS 59:3

Cancunapac maquica huañuchishca yahuarpi cahuirishcami. Cancunapac dedocunaca millaita ruhuashpami mapayashca. Cancunapac shimica llullallatami riman. Cancunapac calluca mana allillatami parlan.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.

1 SAMUEL 25:25

Ñuca mandaclla, chai millai Nabal ima nishcataca ama cazuichu. Paipac shuti cashca shinallatacmi yuyai illac can. Ashtahuanpish canta servic ñucaca can cachashca mosocunataca mana ricushcanichu.