PROVERBIOS 18:24 - Dios Rimashcata Quillcashcami

²⁴ Apanacuc runaca alli apanacuc cashcatami ricuchin. Alli apanacuccunaca quiquin huauquitapish yalli allimi.

PROVERBIOS 18:24 ပူးပေါင်းရင်းမြစ်များ

2 SAMUEL 1:26

Ñuca huauqui Jonatanlla, canmantaca yallitami llaquirini. Ñucapacca yallitami cuyashca carcangui. Cambac cuyaica huarmicunapac cuyaitapish yallimi carca.

2 SAMUEL 15:21

Shina nicpimi Itaica: —¡Mandac Diosmantami nini! ¡Canta servic ñucaca maipi huañuna cacpipish, causana cacpipish, can jatun mandac-huanmi casha!— nirca.

2 SAMUEL 16:17

Chaita uyashpami Absalonca: —¿Chashnachu canhuan apanacuctaca ruhuangui? ¿Ima nishpatac paihuan mana rircangui?— nirca.

2 SAMUEL 21:7

Jatun mandac Saulpac churi Jonatanpac churi Mefi-bosettaca perdonarcami. Chaica mana llaquichinacungapacmi Jonatanhuan Davidhuan ari nishca carca.

PROVERBIOS 17:17

Apanacuc runaca tucui causaipimi cuyan. Llaqui punzhacunapica shuc huauqui shinami can.

PROVERBIOS 27:10

Canhuan apanacuctapish, cambac taitahuan apanacuctapish ama cungaringuichu. Llaquihuan cashpaca ama cambac huauquipac huasiman ringuichu. Carupi causac huauquipac randica, cambac ladopi causaccunami ashtahuan alli.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

1 SAMUEL 18:1

David Saulhuan parlanata ña tucuchicpimi, Jonatanca Davidhuan shuc shinalla tucushpa, quiquin cuyaric shina Davidtaca cuyarca.

1 SAMUEL 18:3

Jonatanca Davidta yallita cuyashcamantami paihuan shuc ari— ninacuita ruhuarca. Jonatanca quiquin cuyaric shinami Davidtaca cuyarca.