PROVERBIOS 18:16 - Dios Rimashcata Quillcashcami

¹⁶ Ima caranata cushpami runapac shungutaca pascan. Mandaccunapacmanpish pushanllami.

PROVERBIOS 18:16 ပူးပေါင်းရင်းမြစ်များ

GÉNESIS 32:20

Shinallatac: “Canta servic Jacobopish, ñucanchicpac huashatami shamucun” ninguichic— nirca. Jacoboca ñuca huauqui Esauca ñucapac ñaupata rishpa, animalcunata convidacpica, rabiata pasachishpa, alli chasquingapishchari yuyashpami, chashnaca cacharca.

GÉNESIS 33:10

Shina nicpipish Jacoboca: —Huauquilla, cambac ñahuita ricushpaca, Diospac ñahuita ricuc shinami cushicuni. Canca mai sumactami chasquishcangui. Chaimanta cambac ñahuipi alli ricurishca cacpica, cai convidanacunata chasquiyari.

GÉNESIS 43:11

Shina nicpimi, taita Israelca: —Shina cana cacpica, chashna ruhuaichiclla. Chai mandacman convidangapac cai allpapi imalla tiyashca ashtahuan allicunata cancunapac tulupi churashpa apaichic. Asha bálsamo jambitapish, asha mishquitapish, mishquilla ashnacuctapish, mirra jambitapish, tuctitapish, almendracunatapish apaichic.

2 REYES 5:5

Shina nicpimi, Siria llactata jatun mandacca: —Shina cashpaca rilla. Ñucami Israel llactata jatun mandacman shuc quillcata cachagrini— nirca. Shina nicpimi, Naamanca chunga talento cullquita, sucta huaranga siclos curita, chunga mushuc churanata apashpa rirca.

PROVERBIOS 17:8

Cullquita pacalla cuc runamanca pacalla cushcaca magia shinami. Chashna pacalla cushpami maipipish tucui pai munashcata chasquin.

PROVERBIOS 18:17

Llaquita huillangapac punta shamucca cashcata ruhuac shinami ricurin. Ashtahuanpish paita piñac quipata shamushpaca, llullac cashcatami ricuchin.

PROVERBIOS 19:6

Alli shungu runa ayudachunca achcacunami mashcan. Imatapish carac runahuanca tucuimi apanacun.

PROVERBIOS 21:14

Imatapish pacalla carashpaca, yalli piñarishcatapish allichinmi. Pacalla pagashpaca nina japiric shina piñarishcatami allichin.

1 SAMUEL 16:20

Shina nicpi, Isaica shuc burropi tandata apachishpa, cara puñu vinota shinallatac huahua chivota apashpa paipac churi Davidtaca Saulpacman cacharca.

1 SAMUEL 25:27

Cunanca, ñuca mandacman carangapac canta servic ñuca apamushcata chasquishpa, ñucata mandacta catishpa puric runacunaman carai.