PROVERBIOS 17:28 - Dios Rimashcata Quillcashcami

²⁸ Upalla cashpaca, yuyai illac runapish yachaisapa nishcami canga. Alli entendic runa cashpami maipish cachun mana riman.

PROVERBIOS 17:28 ပူးပေါင်းရင်းမြစ်များ

JOB 13:5

Cancunaca upalla cashpaca jatun yachac runacuna shinami canguichicman.

JOB 32:16

¿Ñucaca paicuna imata mana rimashpa upalla saquiricpica shuyacushallachu?

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 18:1

Pailla causanata munacca quiquin munaillatami ruhuanata mashcan. Alli yuyaita cucpipish, mana cazunchu.

ECLESIASTÉS 10:14

Quipaman ima tucunata pipish mana yachanchu. Shina cacpipish mana entendic runaca yallita rimacunllami. Paipac quipa ima tucunataca ¿pitac huillangayari?

ECLESIASTÉS 10:3

Mana entendic runa ñanta ricushpapish mana entendic cashcatami paillatac ricuchin. Chashnami mana entendic cashcataca tucuiman nin.

ECLESIASTÉS 5:3

Yallita yuyaricucpica, sueñuimi shamun. Shinallatac yallita rimarishpaca, mana entendic runa shinami riman.