PROVERBIOS 17:22 - Dios Rimashcata Quillcashcami

²² Cushilla shunguhuan causanaca cuerpopac jambimi. Ashtahuanpish llaquilla shungu causaica tullutami chaquichin.

PROVERBIOS 17:22 ပူးပေါင်းရင်းမြစ်များ

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

PROVERBIOS 12:25

Shungu yallita llaquihuan cashpaca ima yuyaitapish chingachinllami. Ashtahuanpish allita rimashcaca cushichinmi.

PROVERBIOS 15:13

Cushilla shungu runaca ñahuipish cushillami. Ashtahuanpish shungu llaquilla cacpica, yuyaipish llaquillami.

PROVERBIOS 16:24

Sumacta rimashcaca bunga mishqui shinami. Almatapish cushichic, cuerpopacpish jambic shinami.

PROVERBIOS 18:14

Runaca ungushca cashpapish causai pudinmi. Shina cashpapish ¿shungupi llaquilla cashpaca causai pudingachu?

ECLESIASTÉS 2:2

Chaimantami asictaca: «¡Locomi cangui!» nircani. Shinallatac cushicuctaca: «¿Caica imapactac servinyari?» nircani.

2 CORINTIOS 2:7

Cunanca perdonaichic shinallatac cushichichic. Mana chashna ruhuacpica, caita chaita yuyashpami, yalli llaqui tucunga.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.