PROVERBIOS 17:19 - Dios Rimashcata Quillcashcami

¹⁹ Piñanacuita mashcac runaca piñanacuitami munan. Punguta pascac shina rimac runaca paillatacmi llaquita mashcan.

PROVERBIOS 17:19 ပူးပေါင်းရင်းမြစ်များ

2 SAMUEL 15:1

Chai quipami Absalonca macanacuna carretacunata, caballocunata randirca. Shinallatac paita cuidac pichca chunga soldadocunatapish tandachircami.

1 REYES 1:5

Chai shina cacpimi, Haguit huarmipac cari huahua Adoniasca: «Ñucami mandana cani» nishpa jatun tucushpa puricurca. Shina nishpami carretacunata ruhuachishpa, caballocunatapish randishpa, paita cuidachunca pichca chunga soldadocunatapish tandachirca.

PROVERBIOS 16:18

Manarac llaqui tucushpaca jatun tucushcami can. Manarac urmashpaca, jatun tucushpami causancuna.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

PROVERBIOS 18:12

Manarac llaqui tucushpaca, jatun tucushcami runaca ricurin. Ima allicunata japingapacca Yangalla canami alli.

PROVERBIOS 24:27

Canzha ruhuaicunatarac ruhuangui. Cambac allpacunapi ruhuaitarac yuyaringui. Chai quipaca cambac huasita shayachingui.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

SANTIAGO 1:20

Pipish piñaricca, Dios munashcataca mana ruhuanchu.