PROVERBIOS 17:17 - Dios Rimashcata Quillcashcami

¹⁷ Apanacuc runaca tucui causaipimi cuyan. Llaqui punzhacunapica shuc huauqui shinami can.

PROVERBIOS 17:17 ပူးပေါင်းရင်းမြစ်များ

2 SAMUEL 1:26

Ñuca huauqui Jonatanlla, canmantaca yallitami llaquirini. Ñucapacca yallitami cuyashca carcangui. Cambac cuyaica huarmicunapac cuyaitapish yallimi carca.

2 SAMUEL 15:21

Shina nicpimi Itaica: —¡Mandac Diosmantami nini! ¡Canta servic ñucaca maipi huañuna cacpipish, causana cacpipish, can jatun mandac-huanmi casha!— nirca.

ESTER 4:14

Can ñucanchicmanta cunan punzhacunapi imata mana ruhuashpa, upalla saquiricpica, maijan shucmi Judá llactapi causaccunataca quishpichinga. Shina cacpipish canca cambac taitapac huasi ucupurandimi huañunguichic. Canca cai llaquimanta ñucanchicta quishpichingapac jatun mandac tucushcataca ¿pitac yachanyari?» nichunmi cacharca.

PROVERBIOS 16:28

Millaita ruhuac runaca piñanacuipimi churan. Huashalla parlac runaca paihuan apanacuccunatapish caruyachinmi.

PROVERBIOS 18:24

Apanacuc runaca alli apanacuc cashcatami ricuchin. Alli apanacuccunaca quiquin huauquitapish yalli allimi.

PROVERBIOS 19:13

Yuyai illac churica taitata llaquichishpallami causan. Caparishpa rimaricuc huarmica catipi shutucuc tamya shinami can.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

HEBREOS 2:11

Jucha illacta ruhuacpish, jucha illaccunapish shuc Taitapac huahuacuna shinami canchic. Chaimantami Jesusca mana pingashpa: “Ñuca huauquicunami canguichic” nin.

RUT 1:16

Ashtahuanpish Rutca: —Canta saquishpa, canmanta caruyachun ama mañaichuyari. Can maiman ricpipish, ñucapish chaimanmi risha. Can maipi causacpipish chaipimi causasha. Cambac llactapish ñuca llactami canga. Cambac Diospish ñuca Diosmi canga.

1 SAMUEL 18:3

Jonatanca Davidta yallita cuyashcamantami paihuan shuc ari— ninacuita ruhuarca. Jonatanca quiquin cuyaric shinami Davidtaca cuyarca.

1 SAMUEL 19:2

Chaimantami Davidman huillachun cachashpaca: —Ñuca taita Saulca canta huañuchisha nicunmi. Chaimanta cuidarishpa, caya tutamanta pacallapi miticugri.

1 SAMUEL 19:3

Ñuca taitahuan pambaman rishpaca, can maipimi cangui chai pushtupimi paihuan casha. Chaipimi can ima shina cashcata ñuca taitaman parlagrini. Pai ima nishcatapish canman huillachun cachashallami— nirca.

1 SAMUEL 20:17

Jonatanca Davidta tucui shunguhuan cuyashcamantami paita cutin ari nichirca.

1 SAMUEL 23:16

Chaita yachashpami, Saulpac churi Jonatanca Hores pambapi Davidta ricungapac rirca. Diospi yuyaita churashpa ashtahuan sinchiyachun nishpami,