PROVERBIOS 17:13 - Dios Rimashcata Quillcashcami

¹³ Maijan allita ruhuacpi, mana allita ruhuashpa cutichic runapac huasimantaca ima mana allica mana anchuringachu.

PROVERBIOS 17:13 ပူးပေါင်းရင်းမြစ်များ

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

1 REYES 21:22

Cambac familiataca Nabatpac churi Jeroboampac familiata shina, Ahiaspac churi Baasapac familiata shinami ruhuagrini. Ñucata mana cazushpa, llaquichishcamanta, israelcunatapish juchata ruhuachishcamantami chashnaca ruhuagrini” ninmi.

SALMOS 35:12

Allita ruhuashcamantaca mana allitami ñucamanca ruhuancuna. ¡Ñuca almaca yallitami llaquirin!

SALMOS 38:20

Allita ruhuacpi, mana allitami ruhuancuna. Ñuca allita ruhuacpica, piñashpami camincuna.

PROVERBIOS 13:21

Juchayuccunataca llaquimi catiranga. Ashtahuanpish cashcata ruhuaccunaca imapish allicunatami japinga.

SAN MATEO 27:25

Shina nicpimi paicunaca: —Ari, pai huañushcamanta ñucanchicmi juchayuc cashun— nircacuna.

SAN MATEO 27:5

Shina nicpimi, Judasca Diosta mañana huasi ucupi cullquita shitashpa, sipiringapac rirca.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

1 SAMUEL 19:4

Jonatán Davidta alli nishpa Saulman parlashpaca: —Jatun mandaclla canta servic Davidta llaquichishpa ama juchallichu. Paica ima mana allitapish cantaca mana ruhuashcachu. Ashtahuanpish imata cashpapish allitami canmanca ruhuashca.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.

1 SAMUEL 25:21

Davidca: «Shitashca pambapi tucui imata chai runa charishcataca yangami cuidacushcani. Pai charishcacunaca imapish mana chingarishcachu. Paiman allita ruhuashcamantaca mana allitami ñucamanca ruhuan.