PROVERBIOS 17:12 - Dios Rimashcata Quillcashcami

¹² Millaita ruhuac yuyai illac runahuan tupanapac randica, huahuacuna illac piña huarmi osohuan tupanami ashtahuan alli.

PROVERBIOS 17:12 ပူးပေါင်းရင်းမြစ်များ

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

PROVERBIOS 17:11

Mana cazuc runaca piñanacuillatami mashcan. Paita llaquichichunca millai huillactami cachanga.

PROVERBIOS 27:3

Rumipish llashacmi. Tiyu allpapish llashacllatacmi. Ashtahuanpish mana entendic runa yallita piñarishcami chai ishcaicunata yalli llashac.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

PROVERBIOS 29:9

Yachaisapa runa yuyai illac runahuan piñanacushpaca, burlashpa asishca, piñashcallami canga. Imapish mana allichiringachu.

OSEAS 13:8

Huahuacunata chingachishpa puricuc mama oso shinami, tupangapac llucchishpa shunguta polvosha. León sacha animalcuna micuc shinami, ñutuchishpa tucuchisha.

SAN MATEO 2:16

Herodesca yachaccuna umashcamantami, munai piñarishpa, tucui muyundi Belén llactapi causac, manarac ishcai huatata charic cari huahuacunata huañuchichun mandarca. Chashnami yachaccuna lucerota ricushca punzhamanta ñaupaman huacharishca huahuacunata huañuchichirca.