PROVERBIOS 16:24 - Dios Rimashcata Quillcashcami

²⁴ Sumacta rimashcaca bunga mishqui shinami. Almatapish cushichic, cuerpopacpish jambic shinami.

PROVERBIOS 16:24 ပူးပေါင်းရင်းမြစ်များ

SALMOS 119:103

¡Cambac rimashcacunaca ñuca callupica mai mishquimi! ¡Mishquitapish yalli mishquimi!

SALMOS 19:10

Sumaimana curitapish yalli munanami. Ashtahuan alli bunga mishquitapish yalli mishquimi.

PROVERBIOS 12:18

Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

PROVERBIOS 15:23

Runaca sumacta rimashpa cutichishpami cushicun. ¡Alli rimaita parlachun munashca horasca mai sumacmi!

PROVERBIOS 15:26

Millai runacuna yuyarishcataca Mandac Diosca millanayachinmi. Ashtahuanpish alli shunguhuan rimashcataca alli ninmi.

PROVERBIOS 17:22

Cushilla shunguhuan causanaca cuerpopac jambimi. Ashtahuanpish llaquilla shungu causaica tullutami chaquichin.

PROVERBIOS 23:16

Can imatapish allita rimacpica, ñuca shungupish cushicungami.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

PROVERBIOS 3:8

Shina ruhuacpica, cambac cuerpopacca jambic, cutin tullucunapacca sinchiyachicmi canga.

PROVERBIOS 4:22

Cai alli yachaita chasquiccunamanca causaitami cun. Shinallatac cambac tucui cuerpopac jambimi can.

ECLESIASTÉS 12:10

Huillac runaca sumac rimaicunata tarishpa, mana llullac rimaicunata allita quillcanatami munarca.

CANTARES 4:11

Ñuca cuyashca huarmilla, cambac shimimantaca bunga mishquimi llucshicun. Cambac callupica bunga mishquipish, lechepish tiyanmi. Cambac churanaca Libanomanta mishqui shinami ashnacun.

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.

DEUTERONOMIO 32:2

Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.

APOCALIPSIS 10:10

Shina nicpimi, angelpac maquimanta uchilla pangata japishpa micurcani. Chaica ñuca shimipica abeja mishqui shina mishquimi carca. Ashtahuanpish micushca quipaca, ñuca huicsapica jayacmi tucurca.