PROVERBIOS 16:23 - Dios Rimashcata Quillcashcami

²³ Yuyaisapa runapac shunguca allita yuyarishpami riman. Sumacta ashtahuan rimashcaca ashtahuanmi yachachin.

PROVERBIOS 16:23 ပူးပေါင်းရင်းမြစ်များ

JOB 15:2

«¿Alli yachac runaca imatapish yangata rimangachu? ¿Paipac huicsapica huairatachu jundachin?

JOB 8:10

Paicunami cantaca yachachishpa sumacta rimanga. Paicunami ima shina causashcata achcata parlanga.

SALMOS 45:1

Ñuca shungumantaca sumac shimicunami llucshin. Jatun mandacmanmi cantacuni. Ñuca calluca utca quillcac runapac quillcana pluma shinami.

PROVERBIOS 15:28

Cashcata ruhuac runaca imata rimangapacpish, yuyarinracmi. Ashtahuanpish Diosta mana manchaccunaca maipish cachun rimarinllami.

PROVERBIOS 15:7

Yuyaisapa runacunapac rimashcaca alli yachaitami tarpun. Mana entendic runapac shunguca mana chashna ruhuanchu.

PROVERBIOS 16:21

Shungupi yuyaisapa runaca entendic runa nishcami canga. Sumacta rimashcaca ashtahuanmi yachachin.

PROVERBIOS 16:22

Alli yuyaiyuc runapi tiyashca alli yuyaica causaita cuc yacu shinami. Ashtahuanpish yuyai illac runapi tiyashca yuyaica llaquichinmi.

PROVERBIOS 5:2

Chaica ñuca alli yuyaita cushcata cazungapac, cambac shimihuanpish allita rimangapacmi chashna uyana cangui.

COLOSENSES 3:16

Cristomanta huillashca shimicunata shungupi yuyarashca cachunmi munani. Alli yuyaihuan caishuc chaishuc-huan yachachinacushpa, catina yuyaita cunacuichic. Salmocunatapish, Diospac Espíritu yuyaita cushca cantana cantocunatapish cantashpa, tucui shunguhuan Diosta pagui nishpa “allimari cangui” nishpa cantaichic.