PROVERBIOS 16:19 - Dios Rimashcata Quillcashcami

¹⁹ Macanacushpa quichushcacunata jatun tucushcacunahuan chaupinapac randica, yangalla gentecunahuan tandanacushpa paicuna shina tucunami alli.

PROVERBIOS 16:19 ပူးပေါင်းရင်းမြစ်များ

SALMOS 138:6

Mandac Diosca jatun cashpapish, yangalla runacuna mañashcataca uyaracunmi. Ashtahuanpish jatun tucushcacunataca carumantami ricucun.

SALMOS 34:18

Mandac Diosca shungu nanarishcacunapac cuchullapimi. Llaquihuan caccunatapish quishpichingami.

ÉXODO 15:9

Ñucanchicta piñaccunaca: “Cati rishpa japishunmi, paicunamanta quichushpa, chaupinacushpa cushicushunmi. Espadata llucchishpami, ñucanchic maquihuan tucuchishun” nircami.

PROVERBIOS 1:13

Tucuilaya charishcacunatami japishun. Tucui chaicunata quichushpami, ñucanchic huasicunapi jundachishun.

PROVERBIOS 1:14

Canca yachacmi cangui. Ñucanchic-huan jaculla. Ñucanchicca shuc tulullapimi tucuita tandachishun” ningacunami.

PROVERBIOS 25:7

Mandacpac ñaupapi pingaihuan cumurinapac randica: «Caiman huichicui» ningacaman shuyanami ashtahuan alli.

PROVERBIOS 29:23

Jatun tucuc runataca llaquimi japinga. Ashtahuanpish shungupi yangalla cac runaca alli nishcami canga.

PROVERBIOS 3:34

Burlashpa asiccunataca Mandac Diospish burlashpa asingami. Ashtahuanpish yangallacunataca cuyangami.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

JUECES 5:30

“¿Manachu macanacushpa imata japishca canga? ¿Manachu chaita macanacucpura chaupinacunga? Macanacuc caricunamanmi shuc solterata mana cashpaca ishcaita cada shucman cucunga. Sisaramancarin sumac color churanatami cucunga. Mishaccunamanca tucuilaya shuc shucta, mana cashpaca ishcai ishcaitami bordashca bufanda Sisaramanca cucunga.