PROVERBIOS 16:15 - Dios Rimashcata Quillcashcami

¹⁵ Jatun mandac cushilla ñahuihuan cacpica, causaimi tiyan. Pai cuyaihuan ruhuashcaca quipa tamya puyu shinami.

PROVERBIOS 16:15 ပူးပေါင်းရင်းမြစ်များ

SALMOS 21:6

Huiñaipacmi bendicionta curcangui. Canca paihuan cashpami yallita cushichingui.

SALMOS 30:5

Paica ashacamanllami piñarin. Ashtahuanpish huiñaitami paica cuyan. Tutaca huacaimi tiyan, tutamantaca cushicuimi shamun.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

SALMOS 72:6

Jatun mandacca pitishca quihuapi sumacta tamyashca shinami canga. Garua tamya allpata nuyuchic shinami tucunga.

PROVERBIOS 16:14

Jatun mandac piñarishcaca huañuimanta huillac shinami. Ashtahuanpish yachaisapa runaca chai piñarishcata allichinmi.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 29:26

Achcacunami mandactaca paicunaman allita ruhuachun mañancuna. Ashtahuanpish Mandac Diosmi ima shina cashcata ricushpa cun.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

ZACARÍAS 10:1

Quipa tamyata cachachun Mandac Diosta mañaichicyari. Mandac Diosmi relampahuan yallita tamyachishpa, verdinlla chagracunatapish, quihuacunatapish huiñachinga.

HECHOS 2:28

Huiñai causai ñantapish, canmi ricuchishcangui. Can ñucahuan cacpica, yallitami cushicuni” nishcami.