PROVERBIOS 15:19 - Dios Rimashcata Quillcashcami

¹⁹ Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

PROVERBIOS 15:19 ပူးပေါင်းရင်းမြစ်များ

SALMOS 25:12

Mandac Diosca paita manchaccunamanca maijan ñanta acllachunmi yachachin.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 5:8

Mandac Dioslla, ñucata piñaccuna llaquichigricucpica, cashcata ruhuachishpa pushaiyari. Cambac alli ñanta pushaiyari.

PROVERBIOS 11:5

Allita ruhuac runataca cashcata ruhuashcami alli ñanta pushanga.

PROVERBIOS 15:18

Utca piñaric runaca piñanacuillapimi churan. Ashtahuanpish mana utca piñaric runaca piñanacuita allichinmi.

PROVERBIOS 15:20

Yachaisapa churica paipac taitata cushichinmi. Ashtahuanpish yuyai illac runaca paipac mamatami yangapi churan.

PROVERBIOS 22:13

Quilla runaca: «¡Leonmi canzhapi chapacun, ñanpi japishpa huañuchingami!» ninmi.

PROVERBIOS 22:5

Mana allita ruhuac runapac ñanpica cashacunapish, tucllacunapish tiyanmi. Maijanpish causaita cuidashpaca chaicunamanta anchuringami.

PROVERBIOS 26:13

Quilla runaca: «¡Leonmi ñanpi chapacun! ¡Canzhapica leonmi shayacun!» ninmi.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

PROVERBIOS 6:6

Quilla runacunalla, hormigata ricui. Hormiga imata ruhuacta ricushpa, yachaisapa caiyari.

PROVERBIOS 8:9

Tucui cai rimashcacunaca entendic runapacca allimi. Alli yachaccunapacca yuyaita japinalla rimashcacunami.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.

ISAÍAS 35:8

Chaipica chaqui ñanmi tiyanga. Chai ñantaca jucha illac ñan ningacunami. Chai ñantaca juchayuc runapish, yuyai illacpish mana puringachu. Chai ñantaca Mandac Dios munashca shina causaccunallami puringa.

ISAÍAS 57:14

Mandac Diosca: «¡Ñanta pugrullata ruhuashpa pichaichicyari! ¡Ñuca acllashcacunapac ñanmanta imapi mitcarinacunata anchuchichicyari!» ningami.