PROVERBIOS 15:14 - Dios Rimashcata Quillcashcami

¹⁴ Alli yuyaita charic shunguca alli yachaitami mashcan. Ashtahuanpish mana entendic runaca yanga rimaicunallahuanmi sacsac shina causan.

PROVERBIOS 15:14 ပူးပေါင်းရင်းမြစ်များ

SALMOS 119:100

Can mandashcacunata cazushcamantami yuyaccunatapish atishpa entendini.

SALMOS 119:97

¡Can mandashcacunataca yallitami cuyani! Punzhantami chai yuyailla cani.

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

PROVERBIOS 12:23

Alli yuyaiyuc runaca pai yachacushcataca shungupimi huacaichin. Ashtahuanpish yuyai illac runaca yuyai illac cashcatami ricuchin.

PROVERBIOS 15:15

Llaquilla caccunapacca tucui punzhacunami mana alli. Ashtahuanpish cushilla shungu runaca punzhantami cushicuita charin.

PROVERBIOS 18:15

Alli yuyaita charic runapac shunguca alli yachaitami japin. Yachaisapacunapac ringrica alli yachaitami uyanata munan.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

ISAÍAS 30:10

Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.