PROVERBIOS 14:33 - Dios Rimashcata Quillcashcami

³³ Allita entendic runapac shungupimi alli yachaica tiyan. Ashtahuanpish mana entendiccunapac chaupipica mana ricsishcachu can.

PROVERBIOS 14:33 ပူးပေါင်းရင်းမြစ်များ

PROVERBIOS 12:16

Yuyai illac runaca piñarishcataca utcami ricuchin. Ashtahuanpish alli yuyaiyuc runaca piñarishpapish shungupi chingachinllami.

PROVERBIOS 12:23

Alli yuyaiyuc runaca pai yachacushcataca shungupimi huacaichin. Ashtahuanpish yuyai illac runaca yuyai illac cashcatami ricuchin.

PROVERBIOS 13:16

Alli yuyaiyuc runacunaca alli yachaihuanmi imatapish ruhuancuna. Ashtahuanpish yuyai illac runaca yuyai illac cashcatami ricuchin.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

PROVERBIOS 14:34

Cashcata ruhuac runacunaca llactatapish jatunyachinmi. Ashtahuanpish juchata ruhuaccunaca llactatapish pingaichinmi.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 15:28

Cashcata ruhuac runaca imata rimangapacpish, yuyarinracmi. Ashtahuanpish Diosta mana manchaccunaca maipish cachun rimarinllami.

PROVERBIOS 2:10

Cai alli yachai cambac shungupi yaicucpi, cambac almapac alli cacpica,

PROVERBIOS 29:11

Mana entendic runa piñarishpaca pai ima munashcatami ruhuanlla. Ashtahuanpish yachaisapa runaca jarcarinmi.

ECLESIASTÉS 10:3

Mana entendic runa ñanta ricushpapish mana entendic cashcatami paillatac ricuchin. Chashnami mana entendic cashcataca tucuiman nin.