PROVERBIOS 14:31 - Dios Rimashcata Quillcashcami

³¹ Imatapish mana chariccunata llaquichishpa causacca paita ruhuac Diostami llaquichin. Ashtahuanpish ima mana chariccunata llaquic runaca Diostami alli nin.

PROVERBIOS 14:31 ပူးပေါင်းရင်းမြစ်များ

JOB 24:4

Imatapish mana chariccunataca ñanmantami callpachincuna. Cai pachapi causac huacchacunaca paicunata manchashpami miticuncuna.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

PROVERBIOS 14:21

Maijanpish shuccunata piñacca juchallinmi. Ashtahuanpish huacchacunata llaquicca yallitami cushicun.

PROVERBIOS 17:5

Huaccha runata asicca paita ruhuac Diostami piñachin. Llaquihuan cacpi, cushicuc runaca paipish llaquitami apanga.

PROVERBIOS 19:17

Huacchacunaman imata cushpaca Mandac Diosmanmi mañachingui. Allita ruhuashcamantaca Diosmi allita cunga.

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

PROVERBIOS 22:2

Chayuc runapish, huaccha runapish chaipurallatami. Mandac Diosca ishcaitatacmi ruhuashca.

PROVERBIOS 28:8

Cullquita mañachishpa interesta yallita japic runaca huaccha runata llaquic runamanmi huacaichicun.

ECLESIASTÉS 5:8

Maijan llactapi huacchacunata llaquichicucta, paicunaman cuna cashcata mana cushpa, mana allita ruhuacucta ricushpaca, ama mancharinguichu. Shuc mandactaca paita yalli mandacmi ricucun. Shinallatac chai mandacta ashtahuan yalli jatun mandacpish tiyanmi.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

LEVÍTICO 25:35

Cancunapuramanta maijanpish huaccha tucushpa, mana causai pudishpa, canman mañacpica, paita ayudangui. Paica shuctac llactamanta shamushca shinami canhuanca causan.

SAN JUAN 12:8

Huacchacunaca punzhantami cancunahuan. Ashtahuanpish ñucaca mana cancunahuan causacushallachu— nirca.

DEUTERONOMIO 24:14

Imata mana charic, huaccha trabajac runataca cancunapura cacpipish, shuc llacta runa cancunapac llactapi causac runa cacpipish, ama llaquichinguichicchu.

1 JUAN 4:21

«Diosta cuyashpaca, paipac huauquitapish cuyachun» nishpami, Apunchic Jesusca mandashca.