PROVERBIOS 14:27 - Dios Rimashcata Quillcashcami

²⁷ Mandac Diosta manchanaca causaita cuc yacu llucshicuc shinami. Shinallatac huañuchic tucllamanta anchuchinmi.

PROVERBIOS 14:27 ပူးပေါင်းရင်းမြစ်များ

SALMOS 18:5

Seolman ringapac ña huatashca shinami carcani. Huañuchic tucllatami churarcacuna.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

PROVERBIOS 13:14

Yachaisapa yachachishcaca causaita cuc yacu shinami. Chai yachachishcacunaca huañuna tucllamanta quishpichinmi.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

PROVERBIOS 14:28

Jatun mandacca achca gentecunata mandacushpami tucuipac alli nishca tucun. Shinallatac ashalla gentecunata mandashpaca yangallami tucun.

PROVERBIOS 19:23

Mandac Diosta manchac runaca causangami. Paita manchashpaca imatapish mana manchashpa cushillami causanga. Ima llaquipish mana japingachu.

PROVERBIOS 22:5

Mana allita ruhuac runapac ñanpica cashacunapish, tucllacunapish tiyanmi. Maijanpish causaita cuidashpaca chaicunamanta anchuringami.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

ISAÍAS 33:6

Paica allitami mandanga. Cushi causaimi tiyanga. Shinallatac alli yuyaipish, quishpirinapish yallimi tiyanga. Mandac Diosta manchanami yalli valishcacunatapish yalli valin.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.