PROVERBIOS 14:15 - Dios Rimashcata Quillcashcami

¹⁵ Ashalla yuyaita charic runaca imatapish crinllami. Ashtahuanpish alli yuyaiyuc runaca imata ruhuangapacpish allita yuyarinracmi.

PROVERBIOS 14:15 ပူးပေါင်းရင်းမြစ်များ

2 SAMUEL 1:5

Shina nicpimi, Davidca mosotaca: —¿Ima shinatac canca Saulpish, paipac churi Jonatanpish huañushcataca yachanguiyari?— nirca.

1 REYES 2:18

Shina nicpimi Betsabeca: —Ari, canmantaca jatun mandac-huan parlagrishallami— nirca.

NEHEMÍAS 6:4

Chuscu cutincamanmi chaillatatac nichun cacharca. Ñucapish punta nishca shinallatacmi nircani.

PROVERBIOS 14:14

Mana cazuc runaca pai mana allita ruhuashcahuanmi cushilla canga. Ashtahuanpish allita ruhuac runaca pai allita ruhuashcahuanmi cushicunga.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 14:8

Allita yachac runaca pai ima shina causashcatami yuyarin. Ashtahuanpish yuyai illac runaca yuyaita mana charishcamantami llullallapi causan.

PROVERBIOS 17:4

Millaita ruhuac runaca mana allita rimashcatami chasquin. Llullac runapish llaquichic runa rimashcatami uyan.

PROVERBIOS 22:3

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 27:12

Yuyaisapa runaca maita ricushpa ima llaqui japigricucpica anchurinmi. Ashtahuanpish yuyai illac runaca rishpa llaquipi urmanllami.

PROVERBIOS 4:26

Can saruna ñantapish ima shina cacta alli ricungui. Imata ruhuashpapish allita ruhuangui.

AMÓS 5:13

Chai punzhacuna mana alli cashcamanta alli yuyaiyuc runaca upallami.

HECHOS 13:7

Chai brujoca Chipre llactata mandac, alli yachac Sergio Paulohuanmi apanacuc carca. Chai mandacmi Bernabetapish, Saulotapish Diosmanta huillachun cayac cacharca.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

EFESIOS 5:17

Imata mana yachaccuna shina ama caichicchu, ashtahuanpish Apunchic Jesucristo ima munashcata yachana yuyailla caichic.

1 JUAN 4:1

Cuyashca criccuna, cai pachapica taucacunami “Diosmanta huillaccunami canchic” niccuna tiyan. Shina cashcamanta ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.