PROVERBIOS 14:1 - Dios Rimashcata Quillcashcami

¹ Yachaisapa huarmica paipac huasita alli nishpami sinchiyachin. Ashtahuanpish yuyai illac huarmica paipac quiquin maquicunahuanmi urmachin.

PROVERBIOS 14:1 ပူးပေါင်းရင်းမြစ်များ

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

PROVERBIOS 19:13

Yuyai illac churica taitata llaquichishpallami causan. Caparishpa rimaricuc huarmica catipi shutucuc tamya shinami can.

PROVERBIOS 21:19

Imatapish rimashpa piñachic huarmihuan causanapac randica, shitashca pambapi causanami ashtahuan alli.

PROVERBIOS 21:9

Imatapish rimarishpa llaquichic huarmihuan jatun huasipi causanapac randica, jahua azoteapi shuc cuchullapi causanami ashtahuan alli.

RUT 4:11

Shina nicpimi, pushac yuyaccunahuan chai pungupi tiyacuc gentecunaca: —Ari, ricunchicmi. Cambac huasiman yaicuc huarmitaca Raquel, Leata ayudashca shinallatac Mandac Dios ayudachun. Paicunamantami ñucanchic israelcunaca mirai callarishcanchic. ¡Canpish Efrata nishca Belén pueblopica alli nishca, tucuipac ricsishca causachunmi munanchic!