PROVERBIOS 13:8 - Dios Rimashcata Quillcashcami

⁸ Charic runaca pai charishcacunahuan maijan huañuchinamantapish quishpiri pudinmi. Ashtahuanpish huaccha runataca pi mana huañuchisha nishpa manchachinchu.

PROVERBIOS 13:8 ပူးပေါင်းရင်းမြစ်များ

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

2 REYES 25:12

Chashna cashpapish Nabuzaradanca Judá llactapi causac ashtahuan huaccha gentecunataca uvas chagracunapi, pambacunapi trabajachunmi mana apashpa saquirca.

JOB 2:4

Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.

ÉXODO 21:30

Ashtahuanpish huagra huañuchishcamanta huagrayuc runata mana huañuchingapacca, juez mashna cullquita cuchun nishcatami pagana can.

PROVERBIOS 13:7

Maijanpish chayucyasha nishpapish imata mana charinchu. Shinallatac maijanpish huaccha casha nishpaca achca charicmi tucuncuna.

PROVERBIOS 13:9

Cashcata ruhuaccunapac causaica luz japirishpa achicyachic shinami cushicun. Ashtahuanpish Diosta mana manchaccunaca, lámpara huañushca shinami tucun.

PROVERBIOS 14:24

Yachaisapa runacunapac corona shinaca alli yachaimi. Ashtahuanpish yuyai illaccunapac coronaca pandarinami can.

PROVERBIOS 6:35

Alli tucusha nishpa imata cucucpipish, mana chasquingachu. Ima achca valishcata cusha nicpipish, manatac perdonangachu.

JEREMÍAS 39:10

Shina apashpapish soldadocunata mandac Nabuzaradanca imata mana charic huacchacunataca Judá llactallapitacmi saquirca. Paicunamanca allpacunata, uvas chagracunatami curca.

JEREMÍAS 41:8

Chaimantami paicunapuramanta chunga runacuna Ismaeltaca: «Ñucanchicta ama huañuchichu. Ñucanchic allpapica achca trigota, cebadata, aceiteta, abeja mishquitami pacashpa charicunchic» nirca. Chaimantami paicunahuan cac runacunata shina mana huañuchirca.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

SAN LUCAS 12:23

Micunapac randica, causaimi ashtahuan valin. Churanapac randica, cuerpomi ashtahuan valin.