PROVERBIOS 13:20 - Dios Rimashcata Quillcashcami

²⁰ Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 13:20 ပူးပေါင်းရင်းမြစ်များ

GÉNESIS 14:12

Abrampac sobrino Lotca Sodomapimi causarca. Chaipi cacpimi, paita prezushpa, pai ima charishcacunatapish apashpa rirca.

1 REYES 12:10

Shina nicpi, Roboamhuan huiñashca quipa huiñaicunaca: —Canhuan rimac gentecunataca: “Yugota apachic shinami llaquinayaita charirca. Cunanca, chai llashac yugomantapish, sinchi ruhuaicunapi charishcamantaca ashallatapish cacharichiyari” ninguichic. Shinallatac: “Ñucapac uchilla dedoca ñuca taitapac huasha lomotapish yalli racumi.

1 REYES 12:8

Ashtahuanpish paica chai cunac yuyaccuna yuyaita cushcata saquishpami, paillahuantac huiñashca cunan huiñaicunata yuyaita cuchun mañarca.

1 REYES 22:32

Carretapi cac soldadocunata mandac Josafatta ricushpaca: «¡Chaimi israelcunata jatun mandac!» nirca. Chashna nishpaca, paita macangapacmi cuchuyarca. Shina cuchuyacpimi, Josafatca caparirca.

1 REYES 22:4

Chashna nishpami Josafattaca: —¿Galaad llactapi cac Ramot pueblomanta macanacungapac ñucanchic-huan risha ninguichu?— nirca. Shina nicpimi, Josafatca Israel llactata jatun mandactaca: —Ñucapish, ñuca gentecunapish cambac maquipimi canchic. Ñuca caballocunapish cambacllatacmi— nirca.

2 CRÓNICAS 10:8

Ashtahuanpish paica chai pushac yuyaccuna cushca yuyaita saquishpami, paillahuantac huiñashca paita servic cunan huiñaicunaman yuyaita cuchun mañarca.

2 CRÓNICAS 19:2

Pai chayacpica, Dios ricuchishcata huillac Hananipac churi Jehumi tupangapac llucshirca. Paica jatun mandac Josafattaca: —Canca Diosta mana manchac runatami ayudangapac rishcangui. Mandac Diosta piñac runahuanmi apanacushcangui. Chaimantami Mandac Diosca canhuan piñarishca.

2 CRÓNICAS 22:4

Paipac taita huañushca quipaca, mana alli yuyaitami paimanca curca. Chaimantami Acabpac huahua huahuacuna shinallatac Mandac Diospac ñaupapica mana allita ruhuashpa causarca. Chashnami paipac mana allipacllata mana alli yuyaita curca.

SALMOS 119:63

Ñucaca tucui canta manchaccunahuan, can mandashcacunata cazuccunahuanmi apanacuni.

PROVERBIOS 13:19

Ima munashca pactacpica, shungupish cushicunmi. Ashtahuanpish yuyai illac runaca mana allita ruhuanata saquinataca millanayachinmi.

PROVERBIOS 14:7

Yuyai illac runamanta caruyangui. Pai rimashcapica ima alli yachaita mana taringuichu.

PROVERBIOS 15:31

Alli causachun cunashcata chasquicca yachaisapacunahuanmi causanga.

PROVERBIOS 22:24

Yalli piña runahuan ama tandanacunguichu. Rabiaric runahuanca ama apanacunguichu.

PROVERBIOS 22:25

Pacta paicuna shina tucushpa, cambac causaita tucllapi churanguiman.

PROVERBIOS 7:27

Chai huarmipac huasica Seolman apac ñanmi. Chai ñanca huañushcacunapacman chayachicmi.

PROVERBIOS 9:6

Yuyai illac causaita saquishpaca causanguichicmi. Alli yuyaihuan purina ñanpi purichi» nircami.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

HECHOS 2:42

Paicunaca apostolcuna yachachishcata allimi cazuccuna carca. Caishuc chaishuc-huan allimi apanacuc carca. Shinallatac Jesús huañushcata yuyarishpa tandata micungapacpish, Diosta mañangapacpish tandanacucmi carca.

HEBREOS 10:24

Caishuc chaishuc cuyaihuan ayudanacungapac allita ruhuana yuyaita cushunchic.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.