PROVERBIOS 13:18 - Dios Rimashcata Quillcashcami

¹⁸ Alli causachun cunashcata mana uyasha nic runaca pingaichishcapish, huacchapishmi canga. Ashtahuanpish alli causachun cunashcata chasquicca alli nishcami canga.

PROVERBIOS 13:18 ပူးပေါင်းရင်းမြစ်များ

SALMOS 141:5

Cashcata ruhuac runa ñucata llaquichishpaca allimi canman. Shina cashpapish millaita ruhuaccunapac aceiteca ama ñuca umapi churashca cachun. Ñucaca punzhantami mana allita ruhuashcacunata piñashpa mañacushalla.

PROVERBIOS 12:1

Yachachishcata uyac runaca alli yachaitami cuyan. Ashtahuanpish cunashcata mana uyacca imatapish mana yachacmi.

PROVERBIOS 13:13

Shinallatac mandashcata millanayachicca jatun llaquitami apanga. Ashtahuanpish mandashcata manchashpa cazuc runaca allitami japinga.

PROVERBIOS 13:19

Ima munashca pactacpica, shungupish cushicunmi. Ashtahuanpish yuyai illac runaca mana allita ruhuanata saquinataca millanayachinmi.

PROVERBIOS 13:25

Cashcata ruhuac runaca huicsa pactatami micun. Ashtahuanpish Diosta mana manchaccunaca chushac huicsami puringacuna.

PROVERBIOS 15:5

Yuyai illac churica taita cunashcata mana uyasha ninchu. Ashtahuanpish yuyaita charic churica cunashcata chasquinmi.

PROVERBIOS 19:6

Alli shungu runa ayudachunca achcacunami mashcan. Imatapish carac runahuanca tucuimi apanacun.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

ECLESIASTÉS 7:5

Mana entendic runacuna cantashcata uyanapac randica, alli yachac runa cunashcata uyanami ashtahuan alli.

JEREMÍAS 3:25

Ñucanchicpish, ñucanchic taitacunapish, huambramanta pachami cunan punzhacaman ñucanchicta Mandac Diosta piñachishcanchic. Ashtahuanpish Mandac Diosta mana cazushpami juchata ruhuashcanchic. Chaimantami yallita llaqui tapashca shina tucushpa, yallita pingai tucushcanchic» nincunami.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.